«Нұрлы жол» бағдарламасы аясында аймақта 2015 жылға «ШҚ АЭК» АҚ жалпы құны 3,9 млрд. теңгеге электртасымалдау жүйелерінің құрылысы, модернизациялау, қайта жөндеу және күрделі жөндеуден өткізу жобаларын жоспарлап отыр. Сондай—ақ қашықтығы 1 559 шақырым болатын «Екібастұз – Семей — Өскемен» жоғарғы вольтті желісінің құрылысы басталған.
{jcomments on}Бұл туралы кеңейтілген аппараттық кеңес барысында энергетика және тұрғын үй коммуналды шаруашылық басқармасының басшысы Айтқазы Шерубаев баяндап, аталған жобаларды жүзеге асыру барысы бақылауда екенін баса айтты.
Бүгінгі таңда аймақ бойынша жоспарланған жобалардың ішінде 1 шақырым электртасымалдау желісі салынған, 110 шақырым қайта жөндеуден өткен және модернизацияланған, 553 шақырым электртасымалдау жүйесі күрделі жөндеуден өткен.
Биылғы жылдың басты жобаларының бірі — «KEGOC» АҚ салып жатқан жалпы қашықтығы 1 559 шақырым, ал ШҚО бойынша 865 шақырымды құрайтын «Екібастұз –Семей — Өскемен» жоғары вольтті жүйесі болып табылады.
Энергетика және тұрғын үй коммуналды шаруашылық басқармасының берген мәліметіне сүйенсек, жобаның негізгі мақсаты Солтүстік — Шығыс қиылысындағы өткізу қабілетін ұлғайтып, Шығыс Қазақстан облысында Ресей бір-ыңғай энергетика жүйесі арқылы өтетін электр-қуат транзитіне тәуел- ділікті азайтуды қамтамасыз етеді.
Сонымен қатар Өскемен және Семей қалаларында тұрғын үй коммуналды шаруашылық инфрақұрылымын және жылу, сумен қамту жүйелерін модернизациялау жұмыстары жалғастырылуда. Жалпы, жылумен қамту нысандарын модернизациялау бойынша, жалпы сомасы 2 111,5 млн. теңгеге 12 жоба іске асуда.
–Жалпы алғанда «Нұрлы жол» бағдарламасын жүзеге асыру жұмысы қарқынды жүргізілуде. Семей қаласына қатысты да бірқатар жұмыстар атқарылғандығына күмәнім жоқ, — деді облыс әкімі Даниал Ахметов.
ШҚО әкімінің баспасөз қызметі.
