Сіздерді мемлекеттік мереке — Қазақстан Республикасының Тұңғыш Президентi күнiмен құттықтаймыз!
Тәуелсіз Қазақстанның тарихи тұрғыдан қарағанда аз ғана уақыт ішіндегі қол жеткізген жетістіктері, әлемдік деңгейде танымал болуы еліміздің Тұңғыш Президенті, Ұлт Көшбасшысы Нұрсұлтан Әбішұлы Назарбаевтың есімімен байланысты.
1991 жылы 1 желтоқсанда қазақстандықтар өзінің Тұңғыш Президентін сайлап, тәуелсіз еліміздің жаңа тарихы қалыптасты.
Ұлт Көшбасшысының көрегендігі мен ерік-жігерінің нәтижесінде Қазақстан әлемде тұңғыш рет ядролық қарудан бас тартты. Елдің әлеуметтік-экономикалық және қоғамдық-саяси өмірі жаңартылып, түбегейлі өзгерістер орын алды.
Осының барлығы ата-бабаларымыздың ғасырлар бойғы ұлы арманы мен мақсаттарының орындалғандығының көрінісі.
Қазақстанды ешқандай қантөгіссіз өркениетке жетелеп, дамыған мемлекеттердің алдыңғы қатарынан көрінуі үшін еңбек етіп жүрген Елбасы «Нұрлы жол – болашаққа бастар жол» атты Жолдауында: «Қазақстанның шыққан шыңы мен бағындырған биіктерінің ең басты себебі – бірлік, берекесі», -деп, қазақстандықтарды өзара түсіністік пен келісімді сақтауға тағы бір мәрте шақырды.
Сондықтан Мәңгілік Елді басты бағдар етіп, Тәуелсіздігіміздің даңғылын Нұрлы Жолға айналдырып, «100 нақты қадам» Ұлт Жоспарының міндеттерін орындау жолында баршаңызға зор табыстар, сәттілік, амандық тілейміз!
Мерекелеріңізбен!
Құрметпен,
Семей қаласының әкімі Ермак СӘЛІМОВ,
Қалалық мәслихаттың хатшысы Бейсембек АҚЖАЛОВ.
