Семипалатинка өзенінің Ертіске құяр сағасындағы мұз құрсауының кесірінен су деңгейі көтеріліп, шаһардың Восточный кентінің кейбір жағалау бөлігі мен Түйемойнақ аралындағы шағын елдімекенді су шаю қаупі туындауда.
Қазіргі күні аталмыш аумақта құтқарушылардан құрал-ған екі топ жергілікті атқарушы орган өкілдерімен бірлесіп сақтандыру шараларын жүргізуде. Сондай-ақ оқиға маңында облыстық төтенше жағдайлар басқармасының мамандары жұмыс жасауда. Бұл мақсатта жедел штаб құрылды.
Аумақты бақылау шарасы ШҚО әкімінің орынбасары мен Семей қаласы әкімі назарында. Ахуал қатаң бақылауда тұр. Су деңгейін бақылау орнында мамандар екі сағат сайын тексеру жүргізуде. Кеше кешкілік өзен суы 2 сантиметрге төмендегені мәлім болды. Осы орайда ауылдық, поселкелік округтердегі мекемелер басшыларына Ертістегі су деңгейінің көтерілуі жайлы ескертулер жасалып, қажетті іс-шаралар жүргізу туралы ұсыныстар жасалуда.
Семей қалалық ішкі саясат бөлімінің ақпараттық секторы.
