Семей қаласының әкімі Ермак Сәлімов қала тұрғындарының жеке сұрақтары бойынша қабылдау өткізді. Естеріңе сала кетсек, бекітілген кестеге сәйкес айына бір рет қала әкімі тұрғындардың жеке сұрақтары бойынша қабылдау өткізіп, онда қала тұрғындары әкімге өздерін мазалаған мәселелерін жеткізуге мүмкіншілік алып, тиісті жауап ала алады.
Қабылдау барысында қала тұрғындары жер телімдерін бөлу және оларды заңдастыру, ТҮКШ, құрылыс, сәулет және үй беру мәселелері бойынша әкімге өтініштерін жеткізді.
Тұрғындарды мұқият тыңдаған қала басшысы барлық сұрақтарды жеке бақылауына алды. Кейбір сұрақтарға толыққанды жауап беріп, қалғандары бойынша дербес бөлім басшыларына жақын арада қарастырып, шешуді тапсырды.
Семей қаласы әкімінің баспасөз қызметі.
