Бейсенбі, 6 сәуір күні қала әкімі Ермак Сәлімовтің төрағалығымен Семей қаласының әкімдігі жанындағы терроризмге қарсы комиссияның кезекті отырысы өтті.
Комиссияның кезекті отырысында деструктивті діни идеологиялардың қанат жаюына жол бермеу және оның алдын алу, сондай-ақ мемлекеттік органдар мен әкімдік бөлімдерінің ақпарат беру жұмыстарын ұйымдастыру туралы екі мәселе күн тәртібіне қойылды.
Отырыс барысында Шүлбі, Қараөлең, Алғабас, Озерки ауылдық округтері әкімдерінің және Семей қаласы әкімдігінің мемлекеттік-құқықтық бөлімінің басшысы Сержан Әзбергеновтің хабарламалары тыңдалды.
Қаралған мәселелер бойынша комиссия мүшелері діни экстремизм және терроризмнің алдын алуға қатысты нақты ұсыныстар айтып, шешу жолдарын ұсынды.
«СТ-ақпарат»
