Инфляциялық үдерістерді тежеу, әлеуметтік маңызы бар тауарлардың бөлшек саудадағы бағасын тұрақтандыру бойынша атқарылып жатқан жұмыстар жайлы ақпарат
Ағымдағы жылдың 11-і ақпан күні әлеуметтік маңызы бар тауарлардың негізгі түрлерінің көтерме саудадағы бағасын өсірмеу мен мониторинг жүргізу мақсатында арнайы жұмыс тобы құрылды.
Инфляциялық үдерістерді тежеу және әлеуметтік маңызы бар азық-түлік өнімдерінің бағасын тұрақтандыру, негізсіз баға өсіміне жол бермеу мақсатында бірқатар шаралар атқарылып жатыр. Қаланың барлық аудандарындағы сауда мекемелері мен базарларында үздіксіз мониторинг жүргізілуде. Сонымен қатар, сауда мекемелерінің басшылары арасында азық-түліктің негізгі түрлеріне үстемақы мен көтерме саудадағы бағасын тұрақтандыру бойынша кеңес беру жұмыстары жасалуда. Көтерме сауда мекемелерімен әлеуметтік маңызы бар тауарларға 10 пайыздан артық үстемақы қоспау туралы мерзімі шексіз меморан- думға қол қойылды. Қалыпқа салынып пісірілген әлеуметтік нанның бағасын 50 теңгеден артық өсірмеу жайында 189 кәсіпорынмен келісім жасалды.
{jcomments on}Күнделікті жүргізілетін мониторинг барысында меморандумдардың шарттарын сақтау мақсатында қадағалау жұмыстары жүргізіледі. «Семнан» ЖШС, «Восточные хлебопродукты» ЖШС мен шағын наубайханаларда әзірленген нанның бағасы сәйкесінше 50-45 теңге. Сауда кәсіп-орындары мен бағдарлама операторы «Шығыс самғау» ЖШС арасында тығыз байланыс орнады. Кәсіпкерлік бөлімі тұрақтандыру қорының өнімдерін саудалау бойынша координациялық жұмыстар жүргізуде: тұрақтандыру қорының өнімдерін саудалағысы келетін кәсіпорындармен байланыс орнатылып, мұндай мекемелердің желісі кеңейтілуде. Қазіргі таңда 30-дан астам дүкеннің жетекшілерімен бірқатар сауда нүктелерінде жеміс-көкөніс және азық-түлік өнімдерін саудалау туралы ке-лісімге қол жетті: «Семей» сауда үйі (Затаевич көшесі, 31), «Тамаша» сауда үйі (Ш. Уәлиханов көшесі, 149), «Тамаша+» сауда үйі (Цементшілер кенті), «Гастроном» сауда үйі (35 ықшам аудан), «Колос» дүкені (Әуезов даңғылы, 59), «Юбилейный» дүкені (Титов көшесі, 159), «Адал» супермаркеті (72 ықшам аудан), «Адал+» супермаркеті (Докучаев көшесі, 35), «Нива» супермаркеті (Ибраев көшесі, 156), «Көктем» сауда үйі (Глинка көшесі, 16), «Солнышко» сауда үйі (Шевченко көшесі, 79), «Бегжан» дүкені (Би Боранбай көшесі, 43), «Строства» дүкені (Строственская көшесі), «Балжан» дүкені (35 ықшам аудан), «Нұржан» дүкені (Пограничная көшесі, 23) т.б.
Көкөніс өнімдері арнайы бекітілген бағамен ғана сатылады. Келісі (картоп, қырыққабат, сәбіз мен қызылша) 61 теңгеден саудалануда. Бұл бағыттағы жұмыс ұдайы бақылауда тұр. Әлеуметтік маңызы бар тауарлардың бағасына қатысты туындаған сауалдарыңыз бойынша төмендегі сенім телефондарына хабарласуларыңызға болады: 52-22-66, 52-43-92.
Семей қалалық кәсіпкерлік бөлімі.
