Елбасының Қазақстан халқына Жолдауы біз үшін, яғни, ел тұрғындары үшін қашан да маңызды. Ол мемлекет дамуының негізгі бағыттары мен міндеттерін анықтайтын стратегиялық маңызды құжат болып табылады. Мемлекет басшысының ұлттық бағыттағы тіл міселесіне байланысты айтқан сөздері, білім беру саласындағы ауқымды жоспарлары әр азаматқа рух бергені сөзсіз.
Елбасының «XXІ ғасырда дамыған ел дегеніміз — белсенді және денсаулығы мықты азаматтар. Бұл тұрғыда, ең бірінші, сапалы бірегей білім беру жүйесін қалыптастыру керек. 2020 жылға қарай Қазақстандағы 3-6 жас аралығындағы балаларды мектепке дейінгі біліммен 100 пайыз қамту жоспарлануда. Сондықтан, оларға заманауи бағдарламалары мен оқыту әдістемелерін белгілі мамандар ұсынуы маңызды. Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс. Оларды оқыту нәтижесі оқушылардың сындарлы ойлау, өзіндік ізденіс пен ақпаратты терең талдау машығын игеру болуы тиіс» деген сөздері білім саласында қызмет етіп отырған әр адамға ой салары сөзсіз.
«Күшті, қуатты мемлекеттер ғана ұзақмерзімдік жоспарлаумен ел экономикасын, мәдениетін, білімін, денсаулығын жақсартатыны сөзсіз». Елбасының осындай идеясы Қазақстан халқының Мәңгілік Ел болып, еліміздің әлемдегі дамыған 30 елдің қатарына қосылуы деп білемін. Мәңгілік Елдің жас ұрпақтары Мәңгілік Тілімізді шұбарламай, басқа ұлттардың да тілін жетік меңгеретініне сенеміміз зор. Ертеңгі еліміздің тағдыры, сонымен қатар, осы стратегияның жүйелі жүзеге асуы ел ертеңі – жастардың қолында екені сөзсіз.
Маржан ДӘУІТБЕКҚЫЗЫ, Т.Аманов атындағы №16 мектеп директорының тәрбие ісі жөніндегі орынбасары.{jcomments on}
