Алаш елінің алар асуларын айқындайтын Елбасының саяси-тарихи Жолдаулары бүгінде егемен елдің бет түзер темірқазығына айналды.
2014 жылдың 17 қаңтарында Қазақстан Республикасының Президенті Нұрсұлтан Назарбаевтың «Қазақстан жолы–2050: бір мақсат, бір мүдде, бір болашақ» атты халыққа арнаған дәстүрлі Жолдауы Қазақстан дамуының жаңа міндеттерін айқындап берді.
Осыған дейін ерекше назарда болған еліміздің ғылым, білім саласы алдағы уақытта жаңа қар-қынмен дамитын болады. Өйткені, әлемдегі дамыған 30 елдің қатарына ену үшін осынау бағытты күшейту керек. Жолдауда ғылымды көп қажет ететін экономиканы құру керектігі айтылды. Осы орайда Елбасымыз ұсынған Жолдаудағы ғылым туралы 5 инновациялық идеясын әрдайым назарда ұстауымыз қажет деп ойлаймын: 1. 2014 жылдың 1 қыркүйегіне дейін Үкімет Парламентке еншілес қаржыландыру, интеллектуалды меншікті қорғау, зерттеулер мен инновацияларды қолдау, ғылыми өңдеулерді коммерциялық заңдарын жетілдіруге бағытталған заң жобасы пакетін ұсынуы тиіс; 2.Ғылымды қаржыландыруды кезең-кезеңмен ұлғайтудың жоспарын әзірлеу; 3. Білім мен жаңа технологияларды елімізге трансферттеу үшін шетелдік инвестицияларды пайдалану; 4 Шетелдік компаниялармен бірлесе отырып, жобалық және инжинирингтік орталықтар құру; 5. Ұлттық инновациялық жүйенің тиімділігін арттыру.
{jcomments on}Елбасы Нұрсұлтан Назарбаев Қазақстан хал-қына арнаған Жолдауында шәкіртақының 25 па-йызға артатыны туралы жеткізе келіп, өз сөзінде үлгерімі жоғары студенттер мен оқушыларға қолдау көрсетудің тиімді жүйесін құру қажеттігін де қадап айтты. Мемлекет жастардың білімді және білікті маман болуына көп мүмкіндіктер жасауда. Сондықтан үлгілі студент, білікті де білімді ұстаз – ел мен университет абыройы, ғылым мен білім әлеуеті.
ХХІ ғасырды Қазақстанның алтын ғасырына айналдыру мақсатында еліміздің жарқын жолы – Мәңгілік Ел болу үшін қазақстандық патриотизмді, инновациялық жобаларды, геология, археология, көлік, энергетика, экономика салаларын, ғылым-білім, шағын және орта бизнесті дамыту тетіктерін жан-жақты баяндаған Жолдауда Елбасы қоғамды іркілместен дамыған мемлекеттердің қатарына ену жолында қызмет етуге шақырады. Осыған байланысты Қазақстан Үкіметінің алдына маңызды бірқатар тапсырмаларды қойды. Бұл ертеңге деген елдің үлкен сенімін арттыратыны сөзсіз. Ал ол үшін жұмылған жұдырықтай бірлік керек. Осы бағытта Қазақ инновациялық гуманитарлық –заң университеті Елбасының жаңа Жолдауындағы маңызды мәселелерді жүзеге асыруға барынша күш салмақ. Жолдауда ай-тылғандай, бір мақсат, бір мүдде, бір болашақ жолында Елбасының маңайына бірігу «Мәңгілік Ел» мұратымызға жетудің берік негізі болып табылады.
Осы Стратегиялық құжатта Президентіміз мемлекеттік қызметтің барлық саласын қамти отырып, Тәуелсіз Қазақстанымызды дамытудың, әрбір қазақстандықтың, әрбір отбасының, жастардың және келешек ұрпақтың мүддесін қорғаудың нақты жолдарын ұсынды. Бұл жолдағы негізгі бағдарымыз – «Қазақстан – 2050» Стратегиясын орындаудың жеті бес жылдық кезеңді қамтитын маңызды міндеттерін атап көрсетті. Әр кезең сайын экономиканың жаңа белестерін бағындыру әрбір бес жылдықтың нақты нәтижесі болып табылады. Әсіресе, индустриялдық — инновациялық даму, шағын және орта бизнесті дамыту, агроөнеркәсіптік кешен, білім-ғылым салалары осы Жолдаудың ең салмақты тұстары екені сөзсіз.
Дамыған елдің сипаты — белсенді, білімді және денсаулығы мықты азаматтары. Білімі мықты елдердің білегі де күшті, ал білегі күшті елдер тілегін де өзгеге орындата алатынын дәуір дәлелдеді.
«Білекке сенген заманда, ешкімге есе бермедік,
Білімге сенер заманда, қапы қалып жүрмелік», -деген ата-бабамыздың өсиетін әрқашан жадымызда ұстауымыз қажет деп ойлаймын.
Әр жылғы Жолдаудың – өз жаңалығы бар. Дегенмен, биылғы Жолдау ерекше -экономиканың қуатын еселеуге, халықтың өмір сүру сапасын жақсартуға бағытталған. Сондықтан, Елбасының Жолдауы – болашаққа сенімді қадам деп айтуға толық негіз бар. Өз кезегімізде, орын алып жатқан білім жүйесіндегі жан-жақты бағдарламаларға, өзгерістер мен алға жылжуларға, болашаққа деген нақты бағытты ұстанған саясатқа — БІЗ ЖАСТАР қолдау көрсетеміз!
Құралай ТӨЛЕБАЕВА, Қазақ инновациялық гуманитарлық-заң университетінің оқытушысы, филология ғылымдарының кандидаты.
