Семейде жаппай санитарлық-тазалық айлығы басталды. Сенбі, 6 сәуір күні алғашқы сенбілік өтіп, бюджеттік мекеме, кәсіпорын қызметкерлері, жеке сектор тұрғындары, жоғары оқу орындары мен колледж студенттері және ПИК мүшелері қала көшелерін тазартты. 100-ден астам техника жұмылдырылып, қатты тұрмыстық қалдықтар полигонына 3 мың текше метрге жуық қоқыс шығарылды.
Сенбілікке қатысушылар жасыл аймақтарды өткен жылғы қоқыстан, қураған ағаштардан тазартып, тротуарларды ретке келтірді. Тазалық жұмыстарынан жастар ұйымдары да шет қалмады. Қаланың белсенді жастары Павлодар тас жолы бойындағы аумақты қатты тұрмыстық қалдықтардан тазартты.
Қала тұрғындарын әлеумет-тік маңызы бар шараға тарту үшін қалада #СенбілікСелфи #СелфиСубботника хэштегі бойынша сенбіліктің үздік селфи байқауы жарияланды. Ұйымдастырушылардың айтуынша, сайысқа барлық мекеме, кәсіпорындардың, сондай-ақ кез келген жастағы қала тұрғындарының ұйымдасқан топтары қатыса алады. Сенбі-ліктегі ең ерекше және креативті суреттер әр апта сайын @akimat.semey парақшасында жарияланады.
Бұл күнгі сенбілікке сондай-ақ 200-ден астам спорт мекемелерінің өкілдері қатысып, стадиондар мен спорттық мекемелердің, Вол-гоградская, Селевин, Гагарин, Елемесов көшелері аумақ-тарындағы жапырақ үйінділері мен қоқыстарын шығарды.
Қаладағы полиция бөлімшелері мен құқық қорғау органдарының 150-ге жуық қызметкері де сенбілікке өз үлестерін қосып, бөлімше орналасқан аумақтарды өткен жылдан қалған қоқыстардан тазартты.
Тазалық екі айлығы сәуір айының алғашқы сенбісінен бастап мамыр айының 31-не дейін жалғасады. Қала әкімі Ермак Сәлімов барлық тұрғындарды, мемлекеттік мекемелер мен кәсіпкерлерді сенбілікке бір кісідей атсалысуға шақырды.
Айта кетейік, тазалық айлығы соңында қалада арнайы рейд ұйымдастырылатын болады. Егер мекеме аумағы сенбілікке дейінгі қалпында қалатын болса, басшысына айыппұл салынбақ.
Айтолқын САМАТ, «Семей таңы»{jcomments off}
