Біздің қаламызда Қарағайлы жаңа тұрғылықты ықшам ауданы тұрғызылып жатқандығы көбіне мәлім. Аталған жоба 2020 жылға дейін 20-дан астам көп пәтерлі тұрғын үй құрылысын қарастырады, бұл біздің жерлестерімізді сапалы әрі қолжетімді тұрғын үймен қамтамасыз етуге мүмкіндік береді!
Бүгінгі күні 11 үйдің құрылысы аяқталған, соның ішіндегі 8 нысан «Нұрлы жер» мемлекеттік бағдарламасы бойынша жүзеге асырылуда. Аталған бағдарламаға соңғы 5 жыл бойы меншік құқығында тұрғын үйі жоқ Қазақстан Республикасының барлық азаматтары қатыса алады.
Кредиттеу (Несиелендіру) шарттары ипотекалық займдар нарығындағы ең тиімдісі – займ бойынша жылдық 5 % және тұрғын үйдің алғашқы жарнасы — бастапқы құнының 20 %-ы, әрі тұрғын үй құны 1 ш.м. үшін 140 000 теңгеден аспайды. Үйлер өздерін жауапты және табысты мердігерлер ретінде танытқан 2 компания — «Фирма Азия» ЖШС және «ВостокСтрой» ЖШС-мен салынған.
Тағы 3 үй Тұрғын үй құрылыс жинақ банкінің «Өз үйім» бағдарламасы бойынша жүзеге асырылуда. Бұлар Қарағайлыдағы нөмірі 34, 35 және 36 үйлер, олар 2018 жылдың соңында қолдануға берілген. Үйлер жайлылығы бойынша 3 класқа және құрылыс сапасы бойынша жоғары деңгейге ие. Бұл үйлердегі пәтерлерді, бір емес, тіпті бірнешеуін, кез келген қалаушылардың сатып алуына болады, ешқандай шектеу жоқ. Аталған үш үйдің маңында іргелес аймағын абаттандыру жұмыстары басталып кетті, үйлер «ақылды үй» домофондық жүйесімен жарақталған, оптикалық-талшықты интернет және телефон желісі тартылған. Бұдан өзге ішкі істер органдарына ақпаратты тікелей жолдайтын бейнебақылау орнатылған. 1 ш.м. үшін бағасы 165 000 теңгені құрады, займ бойынша жылдық — 7 % және бастапқы жарнасы — 20 %. Қарағайлы тұрғылықты ауданының барлық артықшылығы айқын: экологиялық таза аймақ, таяудағы бірнеше жыл ішінде бұл инфрақұрылымы дамыған, көптеген спорттық құрылыстар, саябақ және оқу орындары бар келешегі зор аудан болады. Көп пәтерлі тұрғын үйлердің көп болуы шағын және орта бизнестің дамуына жаңа леп береді.
Барлық семейліктер мен аймақ тұрғындарын Қарағайлыдан пәтер алып, өз баспаналарының иегерлері болуға шақырамыз!{jcomments off}
