Семей қаласының әкімі ЕрмакСәлімов Қарағайлы шағын ауданында салынып жатқан «Абай Арена» мәдени-спорттық кешенінің құрылыс жұмыстарымен танысты.
— Арена құрылысы белгіленген кестеден алда келе жатыр. Спорттық кешенді осы жылдың 1 желтоқсанына дейін іске қосамыз. Барлық бағыттар бойынша жұмыстар жүргізілуде. Құрылыс алаңында күніне 700-ге жуық адам жұмыс істейді. Біз бұл нысанды мерзімінен бұрын салуды жоспарлап отырмыз,- деді Ермак Сәлімов.
Сонымен қатар қала әкімі шағын ауданда несие жүйесі бойынша көп қабатты тұрғын үйлер пайдалануға беріліп, пәтер иелері біртіндеп қоныстанатынын атап өтті.
— Осы жазда абаттандырумен белсенді түрде айналысамыз. Бәрін қайта қазбас үшін жол құрылысын соңына қалдырдық. Бүгінгі таңда шағын аудан халық арасында сұранысқа ие екенін айтқым келеді, — деді қала басшысы.
Е.Сәлімов жаңа шағын аудандағы құрылыс жұмыстары Шығыс Қазақстан облысының әкімі Даниал Ахметовтің жеке бақылауында екенін атап өтті.
Естеріңізге сала кетейік, жаңа шағын аудан қарағайлы орманның жанында орналасқан. Келесі айда ауданда Мұз сарайының құрылысы басталады.
Семей қаласының ақпараттық орталығы.{jcomments off}
