{jcomments off}Қала әкімі Ермак Сәлімов орынбасары Айдар Садырбаевпен бірге есімі елге таныс қолөнер шебері Абылайхан Асылбайдың шеберханасында болды.
Қолөнерші қала басшы-лығына жасап жатқан заттарын көрсетіп, алдағы жұмыс жоспарымен бөлісті. «Қазақстанның 100 жаңа есімі» жобасының жеңімпазы Абылайхан Асылбай мүм-кіндігі шектеулі болса да қазақ халқының ұлттық қөлөнерін жастарға үйретіп, белсенді өмір салтын ұстанады.
Ермак Сәлімов шеберхананы кеңейту үшін жақын жердегі мекемелердің бірінен арнайы орталық қарастыратынын айтып, алдағы уақытта баспана мәселесін шешуге көмектесуге уәде берді.
Нағыз еңбек адамы және өскелең ұрпаққа үлгі болар Абылайхан Асылбай өткен өміріне шағым айтқан емес. Ертеңгі күннен үміт күтіп, ата-баба мұрасын жалғастырып келеді.
Республикалық және халықаралық қолөнер шеберлерінің көрмесінде жеңімпаз атанған Абылайхан Асылбай халқымыздың бітім-болмысы мен дүниетанымына жақын бұйымдарды жасаумен айналысады.
Қала әкімінің баспасөз қызметі.
