Алдағы келе жатқан 9 Мамыр — Жеңіс күніне орай, Шығыс Қазақстан облысында тұратын барша соғыс ардагерлеріне жарты миллион теңгеден аса қаражат табыс-талатын болады.
Облыстық жұмыспен қамту және әлеуметтік бағ-дарламаларды үйлестіру басқармасы мәлім еткендей, қазіргі уақытта Шығыс Қазақстан облысында 202 соғыс ардагері және 58 оған теңестірілгендер мен соғыс даласында қаза болғандардың 22 жесірі тұрады екен. Мұндай ерекше көмекті тыл ардагерлері де ала алады.
Бұл айтылған санаттағы ардагерлердің әрқайсысы Жеңіс күні қарсаңында 215 айлық есептік көрсеткіштен 25 АЕК көлемінде, яғни, 542 875 теңге немесе 63 125 теңге көлемінде жәрдемақы ала алады. Мұның ішінде қомақты сома, әлбетте, соғыс даласында қан төккен қарт майдангерлерге беріледі. Ал 35 АЕК, яғни 88 375 теңге соғыс ардагеріне теңестірілгендер мен ардагерлер жесірлеріне аударылады.
Сонымен қатар орден-медаль иеленген тыл ардагерлері 25 айлық есептік көрсеткіш көлемінде жәрдемақы алады. Бұл ретте ардагерлердің барлығына 110 млн. теңге бөлу қарастырылған.
Қалалық ардагерлер кеңесінің мәліметінше, қазіргі таңда Семей қаласында 39 соғыс ардагері тұрып жатыр. Олардың барлығына облыстық бюджеттен бөлінген жәрдемақы алдағы мерекеге дейін табыс етілмек.
«СТ» — ақпарат{jcomments off}
