Өткен аптаның сенбісі, 18 мамыр күні қаламызда орын тепкен М.Әуезов атындағы педагогикалық колледждің спортзалында Семей қаласы әкімінің орынбасары Айдар Садырбаев пен қалалық әкімдіктің спорт және дене шынықтыру бөлімінің басшысы Мұрат Құржықаевтың қатысуымен волейболдан облымыздағы мемлекеттікқызметшілер арасындағы сайыс болып өтті. XVII облыстық спартакиада аясында өткен сайыс мейлінше тартысты әрі шиеленісті өрбіді.
Ж.НҰРБЕРГЕН,
«Семей таңы»
Айта кетерлігі, аймағымыз бойынша жыл сайын ұйымдастырылатын спорттық іс-шараның негізгі мақсаты мемлекеттік қызметшілер арасында арасында салауатты өмір салтын насихаттау, облыс көлемінде дене шынықтыру мен спорттың бұқаралығын арттыру болып табылады. Кеңседе отырып қызмет жасайтын азаматтардың спортта да қара жаяу еместігіне осынау сайыс барысында айқын көзіміз жетті. Костюм-галстукті бір күнге спорттық киімге ауыстырған мемлекеттік қызметшілер күні бойы жүлделерді өзара сарапқа салды. Аталмыш сайысқа қатысушылардың барлығы да қалалық әкімдік қызметкерлері, яғни әкім аппараты мен бөлімдер қызметкерлері. Басым көпшілігі спорттық сайыстардың сан түрінен алған жүлделері бар, түрлі жарыстарда топ жарып жүрген әуесқой спортшылар.
Биылғы спорттық шараға облысымыздағы бес қаладан бес команда — Өскемен, Семей, Алтай, Риддер және Курчатов қалалары әкімдіктерінің мемлекеттік қызметшілері қатысып, жоғары деңгейдегі даярлықпен келгендерін көрсетті.
Алғашқы кездесу Өскемен мен Алтай қалаларының спортшылары арасында өтті. Екі тараптан да бойшаң жігіттер жиналған екен. Бұл сайыста мықтыны анықтау біршама қиынға түсті.
-Волейбол – ұжымдық ойын. Сондықтан да бұл сайыста жеке-дара көзге түсу мүмкін емес. Керісінше, ымыраласа әрекет ету, өзара түсінісу қабілеттері жоғары ойыншылары бар бірлігі мығым командалар ғана жеңіске жетеді. Мемлекеттік қызметшілер үшін бұл спорт шарасының маңызы жоғары,- дейді пікір бөліскен риддерлік жанкүйер.
Ал сағат 10.00-де қатысушы командалардың салтанатты шеруінен кейінсайыстың ашылу рәсімі өткен соң, жарыс жолына Семей мен Курчатов қалалары әкімдіктерінің қызметкерлері шықты. Семей қалалық ішкі саясат бөлімі басшысының орынбасары Айбек Самат бастаған волейболшылар ширақ қимылмен қарсылас командаға шабуылды біртіндеп үдете түсті. Ұжымдаса әрекет еткен Семей командасы мүшелерінің ойынына төтеп бере алмаған курчатовтықтар теңбіл допты жиі түсіре берді. Нәтижесінде осыған дейін де допты ойын түрлерінен топ жарып жүрген семейлік мемлекеттік қызметкерлер волейболды да шебер ойнайтындықтарын айқын дәлелдеді.
Жалпы, әрбір кездесуден мемлекеттік қызметшілер тарапынан аталмыш ойын түріне, спортқа, денешынықтыруғақызығушылықтары жоғарыекенін байқадық. Тартысты ойындар барысындаволейболшылар тартылған тордан ала допты асыра лақтыруда, қарсылас команданың соққы жасаған добын қақпақыл қылып, қарымта жауап беруде жоғары шеберлік танытты. Яғни ептілік пен байқампаздықты, уақыт ұту мен тосыннан әдіс -айла пайдалануды талап ететін волейбол ойынының техникасын жоғары деңгейде меңгергендіктерін көрсетті. Бұл ретте кілең қаракөздерден тұратын Риддер мен Алтай командалары көрерменнің көзайымына айналып, жанкүйерлерін сүйсіндіргені анық. Ал өскемендік команда, облыс орталығынан келгендіктен бе, тәжірибелерінің мол екенін тосын тактика мен үдете шабуылға шығу арқылы дәлелдей білді.
Бұл сайыста, алдын ала әзірленген жеребе бойынша, Өскемен мен Риддер, Семей мен Алтай, Риддер мен Курчатов, Семей мен Өскемен, Алтай мен Риддер және Өскемен мен Курчатов, сонымен қатар Семей мен Риддер, Алтай мен Курчатов шаһарларының командалары кездесу өткізіп, өзара тартысқатүсті. Бұл алғашқы айналым спортшылардың волейбол ойынын қаншалықты меңгергендерін анықтап, жүлделі орындарға жайғасуға мүмкіндік берді.
Сайыстың бас төрешісі Д.С.Исабаев бастаған қазылар алқасы әрбір ойын барысын көз жазбай қадағалап, жүлдегер командаларды анықтауға күш салды. Ал кешкісін барлық жеңімпаздар салтанатты түрде марапатталып, арнайы кубоктарға ие болды.
