9 маусым күні Қазақстанда елеулі оқиға – президент сайлауы өтеді. Әрбір қазақстандық азамат өз жауапкершілігін сезініп, дұрыс таңдау жасауы керек. Себебі біз сайлауда елімізді басқаратын, әрқайсымыз үшін маңызды мәселелер бойынша шешім қабылдайтын мемлекет басшысын таңдаймыз.
Осыны ескере отырып, 9 маусым күні әрбір сайлаушы өз сайлау учаскесіне барып өз таңдауын жасауын алдын ала қамтамасыз етуіміз керек.
Кез келген қоғамда сыбайлас жемқорлық, экстремизм мен терроризм қаупі, экономикалық дағдарыстар және тағы басқа кемшіліктер болады. Мұның барлығы тек бір елге ғана тән емес, бұл — мемлекет басшыларының бірлескен жұмысын қажет ететін ғаламдық мәселелер. Әлемдік аренада біздің атымыздан осындай халықаралық түйткілді мәселелерді болашақ президентіміз шешетіндіктен, таңдау жасауда мұқият болу керек. Сіз үшін өзгелер таңдау жасай салатынына сенім артып, алдағы сайлауға бейжай қарауға болмайды. 18 жасқа толған Қазақстан Республикасының әрбір азаматы сайлауға қатысуға құқылы және ол таңдау жасау құқығын пайдалануы керек.
Біз неліктен сайлауға қатысып, дауыс беруіміз қажет? Себебі бізге, Қазақстан Республикасының азаматтарына, бірнеше жылда бір рет мемлекетті басқаруға тікелей араласып, таңдау жасауға мүмкіндік беріледі. Мен өмірлік тәжірибеме сүйене отырып, ел президентін таңдау арқылы өз мемлекетімді басқару ісіне атсалысқым келеді.
Біз әрдайым халық билігі деген оның еркін таңдау жасай алу құқығы екенін айтамыз. Егер мен сайлау учаскесіне келіп, дауыс беру бюллетенін толтырып, жәшікке тастасам және менің таңдауым есепке алынса, бұл — сайлаудың еркін өткендігінің көрінісі. 9 маусым күні мен сайлау учаскесіне барғанда солай болады да. Біз өз болашағымыз үшін дауыс береміз. Ал сол болашаққа қалай жетеміз, қандай саяси бағдарламамен, қай үміткердің арқасында жетеміз — бұл әр адамның өз таңдауы.
Ең бастысы, бұл саяси оқиғаға немқұрайлы қарамай, өзіміз таңдаған болашаққа қарай қадам жасауымыз қажет. Біз өз таңдауымызды жасау арқылы елімізді басқару ісіне, оның дамуына атсалыса аламыз.
Өзіміздің дауыс беру құқығымызды, таңдау құқығымызды пайдаланайық!
Татьяна СТРОМСКАЯ, Невзоровтар отбасы атындағы бейнелеу өнері мұражайының директоры.{jcomments off}
