Мемлекеттік қызметшілер күніне орай, кеше, 20 маусым күні қала әкімі Ермак Сәлімов қалалық Мәдениет сарайында мемлекеттік қызметшілерді құттықтады.
2002 жылдың 20 желтоқсанында БҰҰ Бас Ассамблеясы 23 маусымды БҰҰ Мемлекеттік қызметшілері күні деп жариялау туралы қарарын қабылдап, осыған байланысты ұйымға мүше әр мемлекетті бір күнді белгілеуге шақырды.
2013 жылдың 20 желтоқ-санында ҚР Президентінің №716 Қаулысымен елімізде 23 маусым мемлекеттік қызметшілер күні болып бекітілді.
Елдегі экономикалық рефор-малардың жетістіктері, құқықтық мемлекеттің қалыптасуы, мем-лекеттің тұрақты дамуы мемлекеттік қызметшілердің кәсібилігіне тікелей байланысты. Мемлекеттік қызметтің кәсіби кадрлары еліміздегі ауқымды міндеттерді жүзеге асыратын аса маңызды ресурс болып табылады. Дәл осы себепті мемлекеттік қызметшілерді сапалық биік деңгейге көтеруге айрықша көңіл бөлініп келеді.
— Құрметті мемлекеттік қыз-метшілер, әріптестер! Баршаңызды Мемлекеттік қызметшілер күнімен шын жүректен құттықтаймын!- деді қала әкімі Ермак Бидахметұлы. — Мемлекеттік қызметкер – өрке-ниеттің өріне қадам басқан мем-лекеттің басты тірегі, оның идеясы мен саясатын іске асырушы. Елге қызмет – абыройлы міндет. Қаламыздың көркейіп, гүлденуі, экономикасының нығайып, дамуы ортақ еңбектің нәтижесі. Біз еліміз үшін тарихи кезеңде қызмет етіп жатырмыз. Елбасы Нұрсұлтан Әбішұлы Назарбаевтың жасампаз жобалары мен стратегиялық бағдары баянды болашағымызды айқындап берді. Ұлы мақсаттарды ұлықтап, жалғастыру үшін, елдегі татулық пен тұрақтылықты сақтап, халықтың сенімін ақтау үшін үлкен күш-жігер, асқан жауапкершілік, кәсіби шеберлік қажет. Саналы ғұмырын мемлекеттік қызметке арнап, ел дамуына зор үлес қосқан ардақты ардагерлер, әр салада халыққа қызмет жасап жүрген тәжірибелі әріптестер және еңбек жолын енді бастаған жас мамандар, баршаңызды кәсіби мерекемен құттықтай отырып, мықты денсаулық, отбасылық бақыт, бақ-береке тілеймін. Тәуелсіздігіміз тұғырлы, бірлігіміз бекем, келешегіміз баянды болсын! — деді шаһар басшысы Ермак Сәлімов.
Салтанатты жиын мемлекеттік қызметшілердің құрметіне арналған мерекелік концертке ұласты.
Жадыра ТӨЛЕГЕНҚЫЗЫ, «Семей таңы»{jcomments off}
