«Отан отбасынан басталады» немесе «Отбасы – шағын мемлекет» дейтін халқымыз отбасы құндылықтарын әрқашан алдыңғы орынға қойып келеді. Дегенмен бүгінде жастар арасында ажырасу санының көбеюі елдегі өзекті проблемалардың біріне айналып отыр. Семейде қолға алынған «Отбасылық сот» жобасы осы мәселені шешуге бағытталмақ.
28 мауым күні Шәкәрім университетінде өткен конференция барысында қоғам қажеттілігінен туындаған «От-басылық сот» пилоттық жобасын жүзеге асырудың жолдары қарастырылды. Семинардың мақсаты Семинар-кеңе{jcomments off}ске ҚР Жоғарғы сотының судьясы Ұлбосын Сүлейменова, Шығыс Қазақстан облыстық сотының азаматтық істер жөніндегі сот бөлімінің төр-ағасы Дамир Әбдуғалиев, Павлодар облысының кәме-летке толмағандардың істері жөніндегі сот төрайымы Қаламқас Темірова, кәсіби медиатор Ольга Кузнецова, Семейдегі «Жанұя орталығы» қоғамдық қорының президенті Жанна Жибраева, Қарағанды, Павлодар, Ақмола және Алматы облыстарының, сондай-ақ Нұр-Сұлтан және Алматы қала-ларының судьялары, медиаторлар, мұғалімдер, судьялар, кәмелетке толмағандардың құқықтарын қорғау жөніндегі уәкілетті органдардың өкілдері қатысты.
Кеңеске қатысушылар «От-басылық сот» жобасын іске асырудың нәтижелерін, дамыту жолдарын талқылады. ҚР Жоғарғы сотының судьясы Ұлбосын Сүлейменова Жоғарғы Сотта жобаны іске асыру үшін жоспарлы жұмыстар жүргізілетінін, ел көлемінде соттан тыс татуласу орталықтарының, отбасылық бөлмелердің ашылатынын, он-да медиаторлар, психологтер ұдайы жұмыс жүргізетінін айтты.
Шығыс Қазақстан облыстық сотының азаматтық істер жөніндегі сот бөлімінің төрағасы Дамир Әбдуғалиев «Отбасылық сот» жобасы аясында аймақта жүргізіліп жатқан жұмыстар туралы баяндады.
— Шығыс Қазақстан облы-сындағы «Отбасылық сот» жобасы отбасылық мәселелер мен балаларды қорғау бойынша қызметтердің біртұтас кешенін ұсынады. Арнайы тренингтерден өткен психологтер, кәсіби медиаторлар жұмыс істейді. Тараптарының өтініші бойынша азаматтар кешкі 18.30-дан 22.30-ға дейінгі аралықта сотқа шақырылуы мүмкін. Жоба өңірдегі 6 сот базасында жүзеге асырылуда. Өткен жылы осы соттардың судьялары 3 мыңнан астам іс қарады, олардың 36,3%-ы татуласумен аяқталды. Биылғы жылы 3 мыңнан астам іс қаралды, олардың жартысынан көбі бейбіт жағдайда аяқталды,- деді ол.
Жиында айтылғандай, «От-басылық сот» кешенді жобасын жүзеге асыру үшін тек отбасылық істермен айналысатын арнайы судьялар бөлінген. Мамандар аталмыш жоба қоғамдағы ажырасу мәселесін азайтады деген үмітте.
— «Отбасылық сот» жобасы былтырғы жылдың тамыз айынан бастап кәмелетке толмағандардың істері жөніндегі соттарда жүзеге асырылып жатыр. Азаматтар балаларын бөлісе алмағанда немесе кездесу тәртібін анықтай алмағанда сотқа жүгінеді. Әрине, бұл өз кезегінде бала психологиясына әсер етеді. Сондықтан «Отбасылық сот» жобасы енгізілуде. Нәтижесінде ажырасуға арыз бергендердің басым көпшілігі өзара келісімге келіп, іс бітімгершілікпен аяқталады. Осыған дейін ажырасуға өтініш білдіргендер үшін шешім тез шығарылып, қоғамда ажырасатындар саны арта түсті. Ал қазір, жоба іске асқалы, мамандар отбасылық мәселелерге терең үңіліп, оларды шешу жолын жан-жақты қарастырады,- дейді ШҚО кәмелетке толмағандар ісі жөніндегі мамандандырылған ауданаралық №2 сотының төрайымы Раушангүл Байжұ-манова.
Іс-шара соңында Семей қаласындағы Мұхтар Әуезов атындағы педагогикалық колледж ғимаратында медиация кабинеті ашылды. Бұл кабинетте кәсіби медиаторлар жұмыс істеп, азаматтардың даулы мәселелерін шеше алады. Бұл жанжалды жағдайлар мен құқық бұзушылықтардың санын азайтуға мүмкіндік бермек.
Айтолқын САМАТОВА, «Семей таңы»
