Шығыс Қазақстан облысының №2 кәмелетке толмағандардың істері жөніндегі мамандандырылған ауданаралық сотының төрағасы Ринат Кусаинов және судья Р. Байжуманова «Әлеуметтік қызмет көрсету орталығы» мекемесінің тәрбиеленушілері мүмкіндігі шектеулі балалардың ата-аналарымен кездесу өткізді. Судьялар кездесу барысында Елбасымыз Н.Назарбаевтың Қазақстан халқына арналған «Қазақстан жолы – 2050: Бір мақсат, бір мүдде, бір болашақ» атты Жолдауының маңызын түсіндірді.
Мүмкіндігі шектеулі балалардың ата-аналарына қиындық туғызатын мәселенің бірі- квалификациялық заңды көмекке ерекше мұқтаж екендіктері. 24.08.2002 жылғы №345 «Қазақстан Республикасындағы балалар құқығы туралы» ҚР Заңына, 11.07.2002 жылғы №343 «Мүмкіндігі шектеулі балаларды әлеуметтік және медициналық-педагогикалық түзету жағынан қолдау туралы» ҚР Заңына және 13.04.2005 жылғы №39 «Қазақстан Республикасының мүгедектерін әлеуметтік қорғау туралы» ҚР Заңына сәйкес, судьялар ата-аналармен кездесу барысында мүмкіндігі шектеулі балалардың құқықтары туралы көптеген сұрақтарына жауап берді. Кездесуде ювеналды соттың төрағасы Ринат Кусаинов Елбасының Жолдауының іске асырылуы мүгедек балалардың өмірлік деңгейін арттырып, әлеуметтік жағдайын көтеретінін атап өтті. Әлеуметтік қызмет көрсету орталығының директоры Р.Тынысбаева ювеналды сот судьяларына мүгедек балаларға көңіл бөлгендіктеріне алғысын білдіріп, орталықпен таныстырып, осы мекеменің басты мақсаты — балаларға әлеуметтік қолдау көрсету сонымен қатар, 18 жастан асқан психоневрологиялық ауқаулары бар және тіреу-қозғалтқыш аппараты бұзылған балаларға әлеуметтік қызмет көрсету екендігін жан-жақты айтып өтті. Қазіргі таңда, осы орталықта 400-ден астам мүмкіндігі шектеулі адам есепте тұр, көпшілігіне үйлеріне бару арқылы қызмет көрсетіледі.
{jcomments on}Облыс әкімі Б.Сапарбаев біздің қаламызда жұмыс барысымен болғанда, осы орталыққа келіп, мүмкіндігі шектеулі балаларға арналған жаңа қазіргі заманғы оңалту орталығының жобалы-сметалық құжаттамасын дайындау тапсырмасын берді. Орталықтың директоры Р. Тынысова қаламызда жаңа қазіргі заманғы оңалту орталығының болуы, мүмкіндігі шектеулі балалардың қоғамға толыққанды бейімделуіне мүмкіндігі болатындығын да тілге тиек етті.
Шығыс Қазақстан облысының №2 кәмелетке толмағандардың істері жөніндегі мамандандырылған ауданаралық сотының баспасөз қызметі.
