Семейге «DESA» ірі түрік концернінің өкілдері келді. Олар теріні қайта өңдеумен айналысады. Қазіргі уақытта инвесторлар Қазақстанның инвестиция-лық қорымен банк алдындағы берешекті өтеу мүмкіндігі туралы келіссөздер жүргізуде.
Кездесу барысында серіктестік байланысты жолға қою туралы сөз болды.
— Әлемдік тәжірибеде тері дайындау орталықтандырылған түрде өңдеумен бірге жүргізіледі. Яғни бұл кезеңмен былғары комбинаты да айналысу керек. Белгілі бір технология бойынша терілерді дайындайтын оқытылған мамандар жұмыс істейтін жеке мал сою алаңдарымен жабдықталған арнайы дайындау орталығын ұйымдастыру қажет. Бұл – болашақта дайын болатын терінің сапасының кепілі, – деді «DESA» компаниясының бас директоры Burak Celet.
Мамандардың айтуынша, мұндай дайындау орталығының жұмысын ретке келтіру қиындық тудырмайды. Себебі ШҚО-да бұл бағыттағы алдын ала жұмыстар Семей тері комбинаты әкімшілігінің күшімен жүргізілген болатын.
Семей қаласының ақпараттық орталығы{jcomments off}