Сенбі, 7 қыркүйек күні Қарағайлы шағын ауданында «Тұрғын үй құрылыс жинақ банкі» АҚ Семей қалалық филиалының ұйымдастыруымен «Korshiler Party» атты акция өтті. Акцияға «Өз үйім» және «Нұрлы жер» бағдарламаларының салымшылары қатысты.
Көршілерді бір-біріне жақын-дастырып, ынтымаққа шақыру, халықтың Қарағайлы ауданына қызығушылығын арттыру мақсатындағы шара биыл алғаш рет ұйымдастырылып отыр. Шара барысында тұрғындарға арналып ыстық тағамдар мен тіскебасалар әзірленіп, түрлі ойындар өткізілді, «Тұрғын үй құрылыс жинақ банкі» АҚ туралы сұрақтар қойылып, дұрыс жауап берген азаматтарға сыйлықтар таратылды. Көршілер бір-біріне ақ тілегін айтып, үлкендер бата берсе, Қалалық Мәдениет сарайының әншілері әннен шашу шашты.
Акцияға жиналған халықты құттықтаған «Тұрғын үй» құрылыс жинақ банкі» АҚ Семей қалалық филиалы директоры Равиль Сабитов:
— Құрметті «Тұрғын үй құрылыс жинақ банкі» АҚ салымшылары, Сіздерді қоныс тойларыңызбен құттықтаймыз! Осындай ынты-мақ пен берекелеріңізден ажыра-маңыздар, — деп ізгі тілегін білдірді. — Өздеріңіз білетіндей, үш жыл бұрын Қарағайлыда мұндай құрылыс болған жоқ. Үш жыл ішінде көз тартарлық көп қабатты тұрғын үйлер бой көтерді. Қарағайлы ауданы күннен-күнге көркейіп келеді. Сіздерге көп рақмет, бізбен бірге болыңыздар!
Бүгінде Қарағайлы ауданындағы тұрғын үйлердің 70 пайызына жуығына халық қоныстанған. «Нұрлы жер» бағдарламасы аясында 230, «Өз үйім» бағдарламасы аясында 140 пәтер өз иесін тапты. Жалпы, ауданда жиырмаға жуық көп қабатты тұрғын үйдің құрылысы аяқталған. Банк алдағы уақытта қалалық әкімдікпен қосымша келісімшарттар жүргізуді жоспарлап отыр.
— Қызым осы ауданнан «7-20-25» бағдарламасы арқылы үй алып, қоныс тойын тойлап жатырмыз. Жуырда ғана көшіп келдік. Қарағайлы ауданы жайлы, әдемі екен. Барлық жағдайлар жасалуда. Жолдары тегіс. Үйіміз кең, жайлы. Елбасымыз бен «Тұрғын үй құрылыс жинақ банкінің қолдауына алғыс білдіреміз. Бүгінгі шараның да мәнісі зор деп ойлаймын. Әсіресе көршілер бір-бірімен араласпайтын заманда қала адамдарына өте керекті бастама екен. Алдағы уақытта мұндай шаралар әрбір ауданда жалғасын тапса, нұр үстіне нұр болар еді, — дейді тұрғын Мұрат Ерденбеков.
Айтолқын САМАТОВА, «Семей таңы»{jcomments off}
