30 қазан, сәрсенбі күні Семей қаласы-на «KAZBRENDS» қоғамдық қоры өкілдері келіп, Достық үйінде «Менторлық – табыс кілті» тақырыбында дөңгелек үстел ұйымдастырды.
Менторлық – табыс кілті» жобасын ҚР Ақпарат және қоғамдық даму министрлігінің, «Азаматтық бастамаларды қолдау орталығы» комерциялық емес акционерлік қоғамының қолдауымен «KAZBRENDS» қоғамдық қоры өкілдері ұйымдастыруда.
Қазір Қазақстанның барлық аймақтарында менторлық мектепті қалыптастыру жобалары жүзеге асуда. Жобаның мақсаты – жастардың табысты адамдардан қажетті білім алуын, тәжірибе үйренуін қамтамасыз ету, кәсіби тұрғыда өсуіне жол ашу.
— Семейге келудегі мақсатымыз осында менторлық мектепті қалыптастыру. Біз әрбір өңірде жастарды тәрбиелеп, жөн сілтейтін, мәселелерін шешуге көмектесетін тәлімгер ұстаздарды даярлаудамыз. Осылайша, Қазақстандағы әрбір жастың өз ұстазы болғанын қалаймыз. Біздің мамандар шетелдік тәжірибелі менторлардан тәлім алды. Өңірлерді аралау барысында кез келген жас оларға өтініш жасай алады. Менторлар 24/7 режімінде чат арқылы жастардың сауалдарына жауап беріп, ынталандыруға дайын,- дейді «KAZBRENDS» қоғамдық қорының өкілі Дәурен Нұров.
— Менторлық мектепті қалыптастыру – заман ағыма сай қажетті, заңды құбылыс деп ойлаймыз. Былтыр менторлықтың қажеттілігін «Zhas Projekt» жобасы аясында жақсы сезіндік. «Zhas Projekt» жобасын іске асыру кезеңінде әр топтың жетекшісі болды. Олар әлі күнге дейін жастар жобаларының дамуына жол көрсетіп келе жатыр. Облысымызда, оның ішінде Семей қаласында менторлардың еңбегінің нәтижесінде қоғамға пайда әкелетін жақсы жобалар іске асырылды. «Jasa» жобасы аясында менторлардың еңбегі жатқанын жоққа шығара алмаймыз. Елу жеті жобаның басым көпшілігі Семей қаласы жастарына тиесілі болуы менторлық мектептің жақсы жолға қойылғанын көрсетеді. Шығыс Қазақстан облысында қалыптасқан жас депутаттар мектебі де жастарды көшбасшылыққа тәрбиелейді. Биылғы Жастар жылында, сондай-ақ келесі жылға белгіленген Еріктілер жылында жақсы бастамаларды жүзеге асыру үшін менторлық мектеп өте қажет, — деді қала әкімінің орынбасары Айдар Садырбаев.
Қазақстандық тележүргізушілер мектебінің түлегі, Семей қаласындағы алғашқы «НЕтренинг» әйелдер клубының негізін салушы Мадина Урдашева, қоғам белсендісі Жасұлан Құрманғалиев, «Жас Телеком» жастар ұйымының негізін қалаушы кәсіби тренер Дәурен Нұров, блогер Ақсұлтан Қалиев және басқа да белсенді жастар дөңгелек үстел барысында студенттерді менторлық мектеп құруға атсалысып, қоғамға пайда әкелетін жобаларға қатысуға шақырды.
Келес ікүні «KAZBRENDS» қоғамдық қоры өкілдері Бесқарағай ауданына барып, ондағы жастармен жүздесті.
Жадыра ТӨЛЕГЕНҚЫЗЫ, «Семей таңы»{jcomments off}