Жаңа жылдан бастап Семейдегі қоғамдық көліктерде элек-трондық билет жүйесі енгізілді. Енді жолаушылар жол ақысын үшін көлік картасымен немесе «Автобус» қосымшасымен 80 теңге, қолма-қол ақшамен 140 теңге төлейді. Қалалықтардың көпшілігі электронды билет жүйесін қолдануды тиімді санайды. Сонымен, жаңа жүйе енгізілді, валидаторлар орнатылды.
Бірақ жолаушылар тасымалдау аясында мәселе азаймай тұр. Күн сайын әлеуметтік желілерде қалалықтардың көлік карталарынан ақшаны «өздігінен» шешіп алады деген шағымдары жарияланып жүр. «Картамды 1000 теңгеге толтырып, көлікпен бір бағытта ғана жүрсем де, кешкілік картамда ақша қалмай қалады» деген сыңайда жазба қалдырушылар да баршылық.
Осыған орай электрондық билет жүйесін енгізген «SmartConcept» компаниясы жолаушылардың шағымына жауап берді. Компания өкілдерінің айтуы бойынша, жолаушылардың көлік картасынан заңсыз ақша шешіп алу фактісі болған емес.
— 2020 жылдың 28 қаңтарында «Avtobys» қызметі жоғарыдағы мәселе бойынша 400 сұрақты қарастырып шықты. «Картадан ақша жоғалды» деген бірде-бір факт нақтыланбады. Мәселені түбегейлі зерттеу барысында шешілген ақшаның барлығы нақты жол жүру бойынша ғана алынып отырғаны анықталды.
«Avtobys» платформасында жолаушылардың электрондық әмияны мен электронды ақшасы пайдаланылады. Сонымен бірге ақша картада емес, банктің электронды әмиянында сақталады. «Avtobys-тің» электронды ақшамен жүргізілетін кейбір операциялары банкпен өзара байланыста болады, осыған байланысты мұндай операцияларға біршама уақыт кетеді, көтеріліп отырған мәселе осыған орай туындап отыр.
Сондықтан компания өкілдері жолаушылардың карта теңгерімін емес, жүрген жолының санын білгендері абзал екенін айтады.
Жол жүру санын Telegram ботта @AvtobysPassengerBot немесе + 7 7222 44 55 48 немесе WhatsApp: +7 705 391 8554 номері арқылы тексеруге болады.
Семей қаласының ақпараттық орталығы{jcomments off}
