Ағымдағы жылдың 5 ақпанында Өскемен қаласында Сыбайлас жемқорлыққа қарсы іс-қимыл агенттігінің ШҚО бойынша департаменті басшысының бірінші орынбасары Жігер Байділдин облыстық «Алтай» телеарнасына сұхбат берді. Жігер Байділдин сұхбат барысында кәсіпкерлер мен инвесторларды қорғау жобасы жөнінде әңгімеледі.
«PROTECTING BUSINESS AND INVESTMENT» жобасы – кәсіпкерлер мен инвесторларды мемлекеттік қолдау шараларының бірі. Басты мақсат – қолайлы инвестициялық ахуалды қалыптастырып, бизнес пен инвесторлардың мемлекеттік билік институттарына деген сенімін арттыру.
Жоба шеңберінде сыбайлас жемқорлыққа қарсы іс-қимыл агенттігінің қызметкерлері кәсіпкерлер мен инвесторларға толықтай қолдау көрсетеді, бұл құқықтық кеңестерді, мемлекеттік қызметтерді сапалы ұсынуды қамтамасыз етуді, НҚА жетілдіруді қамтиды.
Негізгі бағыттар – кәсіпкерлерді құқықтық қорғау, бизнес үдерістерді оңтайландыру, реттеушілік ықпал ету, қоғамдық бақылау және инвесторлардың сыбайлас жемқорлыққа қарсы сауатын ашу.
Департамент барлық қолжетімді ресурстарды пайдалана отырып, бизнес-қоғамдастықты және инвесторларды олардың кез келген «қысымынан» қорғауға ықпал етеді.
«Бизнесті және инвестицияларды қорғау» жобасын іске асыру басталғаннан бері сыбайлас жемқорлыққа қарсы күресті қолдау туралы 28 келісім жасалды. Сондай-ақ 21 кәсіпкер мен инвесторлардың құқықтары қорғалды және қалпына келтірілді.
Егер сіз әкімшілік кедергілер мен мемлекеттік органдар тарапынан қысым көрсеңіз, Лихарева көшесі, 2 мекенжайы бойынша орналасқан Антикор орталығының «Protecting Business and Investments» фронт-кеңсесіне хабарласуыңызға болады.{jcomments off}
СЖҚІҚА ШҚО бойынша департаментінің баспасөз қызметі
