Өткен жұма, 21 ақпан күні ҚР Мәдениет және спорт министрлігі, Абайдың «Жидебай-Бөрілі» мемлекеттік қорық-музейі және Қызылорда облыстық тарихи-өлкетану музейінің ұйымдастыруымен С.Айтбаев атындағы көркемсурет галереясында, қазақтың ұлы ақыны Абай Құнанбайұлының 175 жылдық мерейтойына орай, «Абай – дана, Абай — дара қазақта» тақырыбындағы көрме ашылды.
Көрменің ашылуына Қызылорда қаласының зиялы қауым өкілдері, ЖОО оқытушылары мен студенттері және БАҚ өкілдері қатысты. Көпшіліктің назарына ұлы ақынның өмірі мен шығармашылығына қатысты тарихи құжаттар мен архивтік деректер, құнды қолжазбалар, фотосуреттер, Абай алақанының табы қалған жәдігерлер, Абай оқыған Ахмет-Риза мешіт-медресесінің араб, түрік, парсы, шағатай тілдеріндегі кітаптары, этнографиялық бұйымдар ұсынылды.
Ұлы ақынның өмірін барынша қамтитын бұл көрме Сыр жұртшылығы мен Ұлы Абай елінің арасындағы рухани байланысқа тың серпіліс әкелген шара болып отыр. Көрмені тамашалауға келген көрермендер Абай музейінің қызметкерлеріне алғыстарын білдірді.
Аталған көрмені Қызылорда қаласының тұрғындары мен қонақтары 1 наурызға дейін тамашалай алады.
Абайдың «Жидебай-Бөрілі» мемлекеттік музейінің баспасөз қызметі{jcomments off}
