Елбасы, «Nur Otan» партиясының Төрағасы Нұрсұлтан Назарбаевтың бастамасымен халықтың әлеуметтік осал топтарына көмек көрсету бойынша «Birgemiz» республикалық қоры құрылды. Еңбек және халықты әлеуметтік қорғау министрлігінің ұсынысы негізінде алушылардың 7 санаты бекітілді, олар бойынша әкімдер алушылардың тізімін ұсынды. Олардың ішіне аз қамтылған көп балалы отбасылар, мұқтаж мүгедектер, мүгедек баланы тәрбиелеп отырған отбасылар, ең төменгі зейнетақы алатын және халықтың әлеуметтік жағынан осал топтарының тізіміне кіретін жасы бойынша зейнеткерлер, жетім балалар (жетім балалар мен асыраушысының бірінен айырылған балалар), Ұлы Отан соғысына қатысушылар мен оларға теңестірілген мүгедектер, тыл еңбеккерлері кіреді.
Шығыс Қазақстан облысында облыс әкімінің әлеуметтік мәселелер жөніндегі орынбасарының басшылығымен жедел штаб құрылды.
«Біздің облыста «Birgemiz — Shygys» қорының филиалы ашылды, онда Өскемен және Семей қалаларында тұратын осы санаттарға қолдау көрсету үшін қаражат түсті. ШҚО бойынша барлығы 12419 адам көмек ала алады. Бекітілген тізім бойынша «Birgemiz» республикалық қоры 620 950 000 млн теңге бөлді. Өскемен қаласы үшін 250,2 млн тг (5005 адам), Семей қаласы үшін 370,7 млн тг (7414 адам).
Материалдық көмек алушы тұлғалардың карточкаларына немесе ағымдағы шотына екінші деңгейдегі банктер арқылы қаражат қолма-қол аударылатын болады»,- деді «Nur Otan» партиясы Шығыс Қазақстан облыстық филиалы төрағасының бірінші орынбасары О.Чугунков Қамқорлық кеңесінің отырысында.
Айта кетсек, «Nur Otan» партиясы тарапынан азаматтарға берілетін қаражат бүгіннен бастап аударыла бастайды. «Birgemiz» қоғамдық қорының жұмысы алдағы уақытта да жалғасатын болады.{jcomments off}
