Облысымызда коронавирус жұқтырған науқастар саны азаймай отыр. Біздің басты міндетіміз – халықтың өмірі мен денсаулығын сақтау. Халықтың осал топтарына, атап айтқанда 60-65 жастан асқан және созылмалы аурулары бар адамдарға ерекше назар аудару керек.
Қаладағы №4 емханада мобильді бригадалар жұмыс істейді. Олар ЖРВИ және КВИ-мен байланысты қоңырауларға жауап беріп, науқастарға дәрі-дәрмектер жеткізеді, сатурацияны бақылайды. Емханадағы эпидемиологтің жұмысы бұл вирустың қаншалықты ауыр екенін көрсетті. Облысымызда, қаламызда күн сайын КВИ-дің жаңа жағдайлары анықталуда. Байланыста болған адамдар саны да аз емес. Тұрғындар бетперде режимін, үйде оқшауланғанда санитарлық ережелерді сақтамайды. Мұның бәрі инфекция жұқтыруға әкеледі.
COVID-19 инфекциясын жұқтырып, айығып шыққан пациенттердегі иммундық плазма өзге науқастарға жұқпалы аурумен күресуге көмектесетінін тәжірибе көрсетіп отыр. Қанында антиденелері бар бір адам кем дегенде екі ауыр науқастың өмірін сақтай алады. Иммундық плазманы Семей қаласының қан орталығында тапсыруға болады. Аппараттық плазмаферезді тапсыру қауіпсіз.
Дәрігер-эпидемиолог ретінде қала тұрғындарын барлық жерде бетперде киіп жүруге, әлеуметтік арақашықтықты сақтауға шақырамын, дәрігерлердің кеңестерін, әсіресе қолды жиі жуу керектігін есте ұстаңыздар, сонда ғана өзіңіздің және жақындарыңыздың денсаулығын қорғай аласыздар.
Аяулым АУКЕНОВА,
ШҚО ДСБ «Семей қаласының №4 емханасы» ШЖҚ КМК эпидемиолог-дәрігері{jcomments off}