Өткен аптада Шығыс Қазақстан облысы Денсаулық сақтау басқармасы
басшылығына Ермек Омарбеков тағайындалды. Аймақтың су жаңа бас
дəрігері жайлы əлі толық құлақтанып үлгермеген көпшілікке Ермек
Сембайұлы өзін ешкімге ұқсамайтын тосын қырымен таныстырды… Нақты айтқанда, журналистердің «қазақша жауап берсеңіз!» деген өтінішіне «Жоқ! Жоқ!» деп шоршып түскені, əріптестеріміздің мемлекеттік тілде қойған сауалына жауап беруден бас тартып, қаша жөнелгені осы аптада əлеуметтік желінің хитіне айналып кетті.
Бүгінгі мүмкіндікті пайдаланып, газет оқырмандарын облыстық денсаулық сақтау басқармасының жаңа басшысымен таныстыра кеткен артық болмас. Бұған дейін облыстық денсаулық сақтау басқармасының «Ана мен бала орталығы» ШЖҚ КМК директоры қызметін атқарған ЕРМЕК СЕМБАЙҰЛЫ ОМАРБЕКОВ 1968 жылы Семей қаласында дүниеге келген. Педиатрия жəне қоғамдық денсаулық сақтау мамандықтары бойынша екі жоғары білімі бар. Еңбек жолын 1993 жылы Үлкен Нарынаудандық ауруханасында педиатр дəрігер болып бастаған.
1996 жылдан 1999 жылға дейін Катонқарағай аудандық міндетті медициналық сақтандыру филиалының директоры, Катонқарағай аудандық
ауруханасының бас дəрігері жəне басдəрігердің орынбасары қызметтерін атқарып, 2005 жылға дейін Катонқарағай аудандық денсаулық сақтау бөлімінің меңгерушісі лауазымында еңбек етті. 2005 жылдан бастап Катонқарағай ауданының «№1 медициналық бірлестігі» КМҚК бас дəрігері, директоры болды.
2010 жылдан бастап Өскемен қалалық денсаулық сақтау бөлімінің басшысы қызметін атқарды. 2014 жылдың тамыз айында Өскемен қаласының «№4 қалалық ауруханасы» ШЖҚ КМК бас дəрігері болып тағайындалды. 2017 жылдан бастап облыстың бас дəрігері қызметіне тағайындалған уақытқа дейін Шығыс Қазақстан облысы Денсаулық сақтау басқармасының «Ана мен бала орталығы» ШЖҚ КМК директоры болып жұмыс істеді.
Қай тілде сөйлесе де мына қиын уақытта облыстың денсаулық сақтау саласын жаңа биікке көтеріп, дəрігерлік міндетін адал атқарса болды дегенімізбен, БАС ДƏРІГЕРДІҢ «Мемлекеттік тілде сөйлесеңіз!» деген сөзден неге шоршып түскені көпшілікке жұмбақ болып тұр… Дəрігер науқастың тілінде сөйлеуі керек деп жатамыз. Ендеше, қазақ тілді науқаспен бас дəрігер қалай сөйлеседі?
Роза МАУЫЛХАНҚЫЗЫ
