22 сәуір күні маңызды оқиға – COVID-19-ға қарсы Қазақстандық QazVac (QazCovid-in) вакцинасының бірінші партиясы жөнелтілді. Қордай ауданындағы Биологиялық қауіпсіздік проблемалары ғылыми-зерттеу институты базасында өндірілген «QazVac» вакцинасының алғашқы 50 мың дозасы «СК-Фармацияға» таратылып, одан әрі еліміздің барлық өңірлеріне жеткізілетін болады.
Қазақстандық вакцинаның кезекті 50 мың доза көлеміндегі партиясын ағымдағы жылдың мамыр айында шығару жоспарлануда.
Айта кетейік, Дүниежүзілік денсаулық сақтау ұйымының тізіміне еніп, толық қауіпсіздігі дәлелденген QazVac вакцинасы 26 сәуірден бастап салынады. Сондай-ақ Биологиялық қауіпсіздік проблемалары ҒЗИ жанындағы биофармацевтикалық зауыттың құрылысы биыл аяқталып, оның базасында қазақстандық вакцинаны өндіру жалғасады.
Қазақстан Сovid-19-ға қарсы вакцина жасаған әлемдегі 5 мемлекеттің қатарына кірді.
