Комсомол кентінде облыс әкімі Даниал Ахметовтің бастамасымен қолға алынған «Бір қабатты шығыс» жобасы аясында жеке тұрғын үйлердің құрылысы белсенді жүргізілуде. Өткен жұмада қала әкімі Нұрымбет Сақтағанов жаңа тұрғын үйлердің құрылыс барысымен және сапасымен танысып қайтты.
Қазірдің өзінде 10 үй салынып, тұрғындар қоныстанып үлгерді. Ал 25 үйдің құрылысы аяқталуға жақын. Осы жылдың мамыр және маусым айларында қолданысқа берілетін болады.
Ауданнан тағы 100 үй салу жоспарланып отыр. Қала әкімінің айтуынша, болашақта мұнда көп балалы отбасылар мен әлеуметтік жағынан қорғалатын санатқа кіретін азаматтардың өкілдері қоныстанатын жаңа көшелер салынады.
— Осыған байланысты, ең алдымен, салынып жатқан үйлердің сапасы мен ыңғайлылығына назар аудару қажет. Болашақта бұл жере балалар ойын алаңдары, көшелерді жарықтандыру және жолдарды асфальттау жұмыстары жүргізілетін болады, — деп жазды қала әкімі Нұрымбет Сақтағанов.
