Қазіргі таңда аймағымызда ешқандай артықшылықсыз 18 кәсіпорын жүйені сынақтан өткізуде.
Қосымшаны Цифрлық даму, инновация және аэроғарыш өнеркәсібі министрлігі мен Денсаулық сақтау министрлігінің тапсырысы бойынша жеке цифрлық IT-компания әзірледі.
Қосымшаны орнатқан мекемелерге артықшылықтар беріледі. «Қызыл» аймақтағы кәсіпорындар «сары» аймақ критерийлеріне, «сары» аймақтағылар «жасыл» аймақ критерийлеріне сай жұмыс істейді. Мысалы, «қызыл» аймақтағы Ashyq қосымшасын орнатқан мекеме талап бойынша 20.00-де емес, одан кеш жабылады. Мұндай артықшылықтар алдағы күндері бүкіл ел бойынша іске қосылады.
Қазір қосымша тек тестілеу режимінде жұмыс жасауда. Осы жүйеден келуші ЖСН-ді тіркеп немесе жеке куәлікті сканерлеу арқылы қызмет ала алады. Қосымшада келушінің статусы көрініп, сол бойынша мекемеге кіргізіледі. Ал шетелдіктер қандай тәртіппен кіргізілетіні белгісіз.
Жүйеге қосылуға «Атамекен» кәсіпкерлер палатасы көмектеседі. Жүйеге қосылу кәсіпорын иесінің еркімен жүзеге асады.
