Жексенбі 6 маусым күні Семей қаласының әкімі Нұрымбет Сақтағанов Шығыс кенті оң жақ алабында орналасқан саяжай тұрғындарының бастамашыл топ өкілі Гүлнәр Ағысовамен кездесіп, өзекті мәселелерді талқылады.
Шығыс кентіндегі саяжайларда қалыптасқан негізгі мәселелер — электр бағандарын ауыстыру, кооператив қызметі, жер және жол мәселелері.
Жолға ағымдық жөндеу жұмыстары маусым айының ішінде аяқталып, аялдамалар орнатылады. Электр бағандарының ауыстырылуы облыс әкімі Д.К.Ахметовтің тапсырмасымен жүзеге асырылып жатқан қаланың энергетикалық даму жоспарына сәйкес, тиісті жобалық сметалық құжаттама әзірленгеннен кейін қолға алынады. Қалған мәселелер бақылауға алынып, тиісті шаралар қабылданатын болады. Алдағы уақытта тұрғындарымен жеке кездесу жоспарланды.
