Аймақ басшысы Даниал Ахметов барлық жылу шығындарын жойғаннан кейін жылу артықшылығы шамамен 200 Гкал болатынын, сол жағалаудағы артық жылу оң жағалауға жіберілетінін айтты.
— Бізге жеткізілген көмірдің сапасын тексере алмаймыз. Көмір күн сайын тасымалданғанымен, тас аралас болып келеді. Биыл біз көмірді ұсақтау кешені орналасқан жылу электр станциясынан жеткізуді ұйымдастырамыз. Қалаға тасымалданатын көмірдің сапасын жақсарту қажет, — деді Бақытжан Баяхметов.
Даниал Ахметов бұл мәселе өте маңызды екенін баса айтты. Себебі көмірдің сапасы мен жылу беру сапасы тікелей байланысты.
— Біз сіздің айтқандарыңызды қолдаймыз, тиісті қаржы бөлеміз. Көмірдің сапасы өте маңызды. Алдымен қазандықтардың техникалық мүмкіндіктерін анықтап алу қажет. Содан кейін ғана көмір сапасымен айналысу керек. Сонда ғана біз жоспарланған және нақты қуаттылықтың арасындағы айырмашылықтың не екенін түсінеміз, — деді облыс әкімі Д.Ахметов.
Сонымен қатар Даниал Ахметов автомобиль-жегін көпірі (ескі көпір) қайта жаңартылғаннан кейін қандай жүктемені көтере алатынын анықтау керек екенін атап өтті. Себебі көпір бойында жылу құбырын салу жоспарланып отыр. Облыс әкімінің айтуынша, сол жағалауда 100 Гкал. жылу профициті бар.
— Бірінші кезеңде автомобиль-жегін көпірін қарап, зерттеу жүргізуіміз керек. Қайта жөндеуден өткеннен кейін көпірдің қандай жүктемеге шыдай алатынын, қанша жылу өткізе алатынымызды есептеуіміз керек. Екіншіден, біз сол жақ жағалаудағы жылу профицитінің орташа есеппен 100 Гкал екенін білеміз. Егер біз гидравликалық режимді қолдансақ, жылуды үнемдесек, үлкен коммерциялық шығындармен жұмыс істесек, жылу профициті жоғарылайды. Енді біз коммерциялық шығындарды стандартқа дейін төмендеткеннен кейін оның қандай болатынын есептеуіміз керек. Егер біз коммерциялық шығындардың 15% -ын жоюымыз керек болса, онда бұл тағы 100 Гкал-ды құрайды.
Яғни бізде жылудың нақты 200 Гкал профициті болады. Оны біз қиындықсыз оң жағалауға аудара аламыз, — деді Даниал Ахметов.
Аймақ басшысы орынбасары Бақытжан Байахметовке жылу желілерін қайта құру жұмыстарын бақылауға алу үшін ай сайын екі апта Семейде болуды тапсырды.
— Жалпы, жұмыс бағыттары дұрыс деп санаймын. Мен Бақытжан Баяхметовке ай сайын Семейде 10-15 күн болуын, осы жұмысты жеке өзі басқаруын және барлық мәселелерді 1 қыркүйекке дейін шешуді тапсырамын. Біз өткен жылы кездескен мәселелерді білеміз. Олар қала әкімдігінің 2020 жылы жіберген кемшіліктерінің нәтижесінде орын алды. Биыл бұл проблемаларды шешуге 2,6 миллиард теңге бөлінді. Жылу экономикасын түсіну, гидравликалық режимді орнату өте маңызды. Технологиялық шығындарды — құбырлардағы ашық кеңістіктерді, есептегіш құрылғылардың болмауын жою қажет. Біз коммерциялық шығындар туралы жеңіл түрде айтып отырмыз. Ал іс жүзінде біз бұл шығындардың не екенін жақсы түсінеміз. «Теплокоммунэнерго» мекемесінің басшылығы, қала әкімі бұл мәселені міндетті шешуі керек. Жұмыс алгоритмі нақты көрсетілген. Бұл жанжалды аймақ. Нұрымбет Аманұлы, осы аймаққа кіріп, шешімін табыңыз, жұмысты жалғастырыңыз, — деді Даниал Ахметов.
