Билікке өкпелі семейлік кәсіпкерлер тобының өздерін әділетсіздік құрбаны етіп көрсету акциясы күн өткен сайын халыққа әр түрлі форматта тарауда. Соңғы кездері желінің «жұлдызына» айналған топ өткен аптада тағы да журналистердің басын қосты. Бұдан бұрын да айтып кеткен болатынбыз, осы жолғы баспасөз конференциясы да жалпыға емес, таңдаулы топқа ғана арналды.
Онлайн режимінде сұрақ қоюға талпынысымызды ұйымдастырушылар тағы да назарға алмады. Ұзын сөздің қысқасы, ӨЗДЕРІ және ӨЗДЕРІНІҢ ДАЙЫНДАП ҚОЙҒАН адамдарына ғана сөйлеуге мүмкіндік берген жиын соңы өзін «блогермін» деп таныстырған Лия атты ханымның айқай-шуымен берекесі кетіп аяқталды. Осы басқосудан соң желіде: «Полиция задержала блогера, автора паблика @XAXA_SEMEY, известную как Лия, сообщил Exclusive.kz предприниматель Айдос Сериккалиулы. Полиция также пытается задержать самого предпринимателя и его брата…» дей келіп: «Задержали сегодня блогера, которая была на нашем круглом столе, где мы критиковали акима ВКО Даниала Ахметова. Она мне позвонила, сказала, что ее у нее дома скрутили, положили на пол, просила срочно подъехать. Я отправил к ней друга, полиция его спутала со мной и начала задерживать», — рассказал Сериккалиулы» деген ақпарат тарап кетті.
Біз есімі көпшілікке беймәлім Лия деген кім деген сауалға жауап іздеп көрген едік. Белгілі болғаны әлеуметтік желіде «Семей жалобы-2», «Невкусный Семей», «ХАХА_SEMEY» атты шулы топтарды жүргізіп отырған Ресейдің Тамбов облысының тумасы Афелия Тофиковна Гусейнова атты азаматша болып шықты.
Сонымен, ЛИЯ-АФЕЛИЯ!!! Сен кімсің?
Қазақстан Республикасының азаматы емес адамды Семейге кім шақырды және қандай мақсатпен жүр?
ЖЕРГІЛІКТІ БАҚ өкілдеріне есігі жабық баспасөз конференциясына ЛИЯ-АФЕЛИЯ қалай кірді?
Құқық қорғау органдарының өкілдерінің ЛИЯ-АФЕЛИЯНЫ үйіне іздеп барғаны рас болса, ол неге басқадан емес АЙДОС СЕРІКҚАЛИҰЛЫНАН КӨМЕК СҰРАЙДЫ?..
Афелия ханым баспасөз конференциясында кімнің тапсырысын орындады?
Басқа мемлекеттің азаматының біздің ішкі саясатымызға араласуы қаншалықты заңды?
Осы сауалдарымызға тиісті құқық қорғау органдары жауап берер деген үміттеміз.
Өзін «блогер» деп таныстырып жүрген Лия және басқа да оқиғаға қатысы бар адамдарды құқық қорғау органдары өкілдері тарапынан ұстау, қысым көрсету фактілерінің анық-қанығын, заңдылығын білу мақсатында біз ШҚО полиция Департаментінің баспасөз хатшысы Татьяна Карповамен байланысқа шыққан едік. Татьяна Карпова сәуір айында ақпараттық қысымға тап болған «Азия фирмасы» ЖШС құрылтайшылары тарапынан өздерінің іскерлік абыройын қорғау жөнінде ішкі істер органдарына шағым түскенін жеткізді. ШҚО полиция Департаменті осы арыз негізінде ҚР ҚК 274-бабы бойынша «Жалған ақпарат тарату» фактісімен қылмыстық іс қозғалғанын, аталған қылмыстық істегі құқық бұзушылықты анықтау мақсатында тергеу амалдары жүргізілгенін растады. Қысқасы, көпшілікке өздерін әділетсіздіктің құрбаны етіп көрсетіп жүрген топтың әдепсіз әрекетіне тосқауыл қою үшін жасалып отырған шара! Бұл істің астарынан қандай да бір саяси әрекет іздеудің артық екендігін түсінген боларсыздар…
Кімнің ақ, кімнің қара екендігін сот анықтайды.
Дегенмен, осыдан кейін «Тамбов қасқыры» деген қағида төңірегінде тағы да бір ойлануға тура келетін сияқты…
Риза АСАНҚЫЗЫ
