Билік пен бұқара
Семей қаласының жолдарын жөндеу және шет аймақтарын абаттандыру қала әкімі Бақытжан Байахметовтің күнделікті бақылауында.
Биыл қала орталығынан ең алыс жатқан шеткі аудандар – Птичник және Теміржолшылар кентіне апаратын көшелер асфальтталды.
Жақында қала әкімі Теміржолшылар кенті тұрғындарының бастамашыл тобымен кездесті. Кездесуде тұрғындар соңғы уақытқа дейін кентке ешқандай көңіл бөлінбей, қараусыз қалғанын айтты. Жолдар бүлініп, көшелерде жарық та болмаған. Дегенмен қазіргі уақытта оң өзгерістер бар. Биылғы жылы осы кенттегі орталық жол асфальтталып, тұрғындардың негізгі, көп жылға созылған мәселесі шешілді. Сонымен қатар жарықтандыруды жаңғырту жобасы аясында Туристическая көшесінде РСУ бағытында шамдар орнатылды.
– Біз кенттің негізгі жолының асфальтталуын ұзақ күттік. Жол жасалды, қазір РСУ-1 бағытында жарықтандыру жүріп жатыр. Әрине, көп жұмыс атқарылды. Енді бізде балаларға арналған ойын алаңын жасау туралы жалғыз өтініш бар. Кентте балалардың саны жүзден асады. Спортпен шұғылданатын және бос уақыттарында демалатын орын жоқ. Бүгінгі мүмкіндікті пайдалана отырып, әкімге уақыт тауып, бізбен кездесуге келгеніне алғысымды айтқым келеді, – дейді теміржолшылар кәсіподағының өкілі Алик Досанов.
Тұрғындар Бақытжан Байахметұлына ауыз сумен қамтамасыз ету туралы өтініштерін де жеткізді.
Бақытжан Кәкенқажыұлы тұрғындардың тілектері назардан тыс қалмайтынын және аталған мәселелер Семейді дамытудың Кешенді жоспары аясында шешілетінін айтты. Келесі жылы балалар алаңы ғана емес, воркаут-алаңы да салынатын болды.
– Келесі жылы біз мұнда балалар ойын алаңы мен спорт алаңын сала аламыз. Биыл біз жобалық-сметалық құжаттаманы дайындаймыз және балалардың ештеңеге мұқтаж болмауы үшін қолдан келгеннің бәрін жасаймыз, – деп атап өтті Семей қаласының әкімі.
Бақытжан Байахметовтің айтуынша, келесі жылы кент көшелерін сумен жабдықтау жобасын әзірлеуге қаражат салынады. Егер бәрі жоспар бойынша болса, 2023 жылдың бірінші тоқсанында жоба қолға алынады.
Семей қаласының ішкі саясат бөлімі ақпараты негізінде әзірленді
