Шығыс Қазақстан облысында
Шығыс Қазақстан облысының әкімі Даниал Ахметов Өскемен және Семей қалаларында облыстың ірі кәсіпорындары мен мекемелерінің, сондай-ақ банк құрылымдарының өкілдерімен кеңес өткізді.
Бұл орайда аймақ басшысы Семей қаласына арнайы жұмыс сапарымен келіп, қаладағы қалыптасқан ахуалға қанықты. Қалалық әкімдікте жиын өткізіп, бірқатар мәселелерді талқылады. Кеңестің күн тәртібінде өңірдегі жағдайды одан әрі тұрақтандыру, ШҚО тұрғындарына жалақы, зейнетақы мен жәрдемақыларды уақтылы беру мәселелері қаралды.
Даниал Ахметов атап өткендей, қазіргі таңда облыстағы жағдай толық бақылауға алынған. Барлық өнеркәсіптік кәсіпорындар, дүкендер, дәріханалар мен медицина мекемелері төтенше жағдай талаптарына сай жұмыс істеуде. Аймақта азық-түлік қоры жеткілікті, азық-түлік тағамдарын іркіліссіз жеткізу бойынша барлық шаралар қабылдануда. Бұл ретте баға спекуляциясына жол берілмейді.
Жиында айтылғандай, облыс тұрғындары төлем карталарынан ақша алу үшін банкоматтарда ақша көлемі жеткілікті. Екінші деңгейлі банктер штаттық режимде жұмыс істеп тұр. Шығысқазақстандықтарға барлық қажетті төлемді жасау үшін өңірде қаражат бар. Сондай-ақ облыс басшысы интернеттің қолжетімсіздігіне байланысты жағдайға түсінік берді. Интернет террористер үшін коммуникация және ақпарат алмасудың, олардың іс-қимылын үйлестірудің құралы болып табылатындықтан, отыр.
Даниал Ахметов облыс тұрғындарын араңдатушылыққа ермеуге және расталмаған ақпаратты таратпауға шақырды.
Өз тілшіміз
