Ата-бабамыз аңсаған егемендікке қолымыз жетіп, 30 жылдық мерейтойымызды тойлап жатқанда, мұндай қайғылы оқиға болады деп ешкім де ойлаған жоқ. Осындай қиын-қыстау кезде елін сүйетін нағыз патриоттар жиналып, ұрпақ болашағы үшін ел іргесінің сөгілмеуіне атсалысуымыз керек. Бүкіл қазақ бір тудың астына жиналуымыз қажет. Ірі қалаларда спортшыларымыз, еріктілеріміз күш құрылымдарына, әскерилерге көмектесіп, өз үлестерін қосып жатыр. Біз де тасада қалмайық. Арандатушылыққа, жалған сөзге еріп, халықты жамандыққа бастамайық.
Ел Президенті Қасым-Жомарт Кемелұлы Тоқаевты қолдап, елдің, қоғамның тыныштығын сақтайық. Онсыз да қаншама отбасы үрей құшағында болды. Барша жұртшылықты, отандастарымды бірлікке шақырамын.
Жалған ақпараттарға, жалған патриотизмге сенбей, бір жағадан бас, бір жеңнен қол шығарып, бірлікте болайық. Еліміздің тыныштығын ойлайық.
Болатбек ХАМЗИН,
Семейдің Мұқан Төлебаев атындағы музыкалық колледжінің режиссер-педагогі,
ҚР «Мәдениет саласының үздігі» төсбелгісінің иегері
