Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейі ұжымы Қазақстан Республикасының Президенті Қасым-Жомарт Тоқаевтың Парламент Мәжілісі отырысында сөйлеген сөзін тыңдап, ондағы елдік мәселелер туралы айтылған терең ойды толық қолдайтынын жеткізгім келеді.
Осы отырыста Мемлекет басшысының Премьер-Министр лауазымына ұсынған Әлихан Смайыловтың кандидатурасын Парламент Мәжілісі бір ауыздан қолдады. Іскерлік қарекетпен аса жинақы өткен отырыс Елдіктің биік белгісін көрсетті.
Әр партия тарапынан сөйлеген азаматтар сын сағатта Ел тағдырын қайыспай шешкен Ел Президенті Қасым-Жомарт Кемелұлының қайраткерлігін ашық айтты. Бірлікпен өткен отырыста Елдіктің рухы айқын сезіліп тұрды.
Мемлекет басшысы өзінің кең тарапты үндеу сөзінде: Еліміздің әлеуметтік-экономикалық жағдайына байланысты мәселелерді таратып айтып, Үкіметке, әр салаға нақты тапсырмалар берді. Қордаланып қалған мәселелерді де батыл айтып, оның шешімін табу үшін нақты жұмыстардың істелетінін, бойкүйездік пен босаңсуға жол жоқ екенін қадап айтты.
Осы жиынды ұжым болып тыңдаған біздер ширығып отырдық. Жауапкершілікті кезеңде елдігімізді көрсетіп, бәріміз бірлікте болайық дегім келеді. Қазақ елінің көкжиегі көркем болсын!
Тұрдықұл ШАҢБАЙ,
Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің директоры
