Семей қаласының әкімі Бақытжан Байахметов кезекті қоғамдық қабылдау өткізді. Жеке қабылдауда өтініш-тілектерін айтып келген тұрғындарға мәселелері бойынша кеңестер беріліп, шешу жолдары түсіндірілді.
Қала басшысының қабылдауына келген азаматтардың бірі — Рауия Тайбаева жер қатынастары бөлімі, оның Сәтпаев көшесі, 262 — мекенжайында орналасқан сауда павильонын бұзу туралы нұсқаулық бергенін айтып, мәселесін шешуге көмек көрсетуді сұрады.
Өткен жылдың қазан айында Рауия Тайбаева жер қатынастары бөліміне қосымша жер телімін беру туралы өтінішпен жүгінген. Бірақ сұралған жер телімі аялдамаларға арналған жалпы пайдаланудағы жерде орналасқандықтан, азаматшаның өтініші қанағаттандырылмаған.
Рауия Тайбаеваның сауда дүңгіршегі қажетті құжаттарсыз, заңсыз орналасқан. Жер кодексінің 43 — бабына сәйкес, жер телімінің шекарасы белгіленіп, қажетті құжаттар берілгенге дейін оны пайдалануға рұқсат берілмейді. Сондықтан да жер телімін өз бетінше иемдену фактісі бойынша тиісті шаралар қабылдау үшін жер инспекциясына ақпарат жіберілген.
Қала әкімі тиісті мамандарға тағы бір рет сол жерге барып, мән-жайға қанығып, уақытша пайдалану үшін жалдауды ұзарту мүмкіндігін қарастыруды тапсырды.
Шаһар басшысынан көмек сұрап келген Қарлығаш Отарғалиева есімді қала тұрғынының да мәселесі жер теліміне қатысты екен. Ол 2017 жылдан бастап Нұршайықов көшесі, 51 — мекенжайында жер телімін алуға үміткер болған. Бірақ бұл учаскені сатып алу — сату шарты негізінде Хамзин Ерлан Мұратбекұлы есімді азамат сатып алған. Жер учаскесіне акт алынғанымен, қала әкімдігінің қаулысы шықпаған, өйткені жер телімінің ауданы өзгеріссіз қалады.
Қабылдау барысында Карлығаш Отарғалиеваға Жер кодексінің 67 — бабына сәйкес, жер құқықтық қатынастардан туындайтын жер даулары сот тәртібімен қаралатыны түсіндірілді.
Келесі қала тұрғыны Ербол Жарқымбаев Қаржаубайұлы көшесіндегі 1, 2, 3 — үйлер және Юбилейная көшесінің электрмен жабдықтау желісін жөндеу туралы өтінішпен келіпті. Оның айтуынша, аталған көшелерде тұрғындар өздері салған 30-ға жуық жеке меншік үй бар. Үй иелері электр сымдарын қолданыстағы трансформаторларға құжаттамасыз, өз еріктерімен тартып алған. Бұл авариялық жағдайлардың туындауына себеп болатыны белгілі.
Ербол Жарқымбаевқа мәселені шешу жолы түсіндірілді. ТҮКШ бөлімінің ақпараты бойынша, электрмен жабдықтау желілері бөлім теңгерімінде жоқ. Осыған байланысты, электр желілерін Семей қаласы әкімдігінің ТҮКШ бөлімінің теңгеріміне беру туралы уәкілетті органның атына ұжымдық өтініш жазу қажет. Ол үшін барлық құқықты белгілейтін құжаттар керек. Желілерді тіркегеннен кейін және бөлім балансына бергеннен соң, жөндеу жұмыстарын жүргізу үшін жобалау-сметалық құжаттаманы дайындау қажет.
Қала әкімі барлық құжаттарды рәсімдегенге дейін ТҮКШ бөліміне 5 күнге дейінгі мерзімде ШҚ АЭК-мен бірге аталған желілерге түгендеу жүргізуді, есепке қоюды және уақытша электрмен жабдықтауды қамтамасыз ету үшін желілерді тартып, ретке келтіруді тапсырды. Содан кейін осы мәселені кешенді шешу үшін ұсыныстар дайындау қажет.
Бұл күні қабылдауға келген 1-ші топтағы мүгедек Мұхамедберік Түрекенов тұрғын үй алу жағдайын түсіндіруді сұрады. Ол 2018 жылдың 27 ақпанынан бастап 1-ші және 2-ші топтағы мүгедектер санаты бойынша тұрғын үй кезегінде тұр, кезек нөмірі — 2321.
Тұрғын үй инспекциясы бөліміне тұрғын үй алаңын алу жолдарын түсіндіру үшін өтініш берушіні жеке қабылдау тапсырылды. Қабылдауда үш жыл бұрын оның бұрынғы әйелі мен қызы Қарағайлы шағын ауданынан пәтер алғаны белгілі болды. Отбасы ажырасып кеткендіктен, өтініш беруші тұрғын үй алу үшін бөлек кезекке тұрды. Оған толық түсініктеме берілді.
Қабылдауда Марианна Иноземцева есімді азаматшаның мәселесі де қаралды. Ол Қаржаубайұлы көшесіндегі отбасылық жатақханадағы бөлмеге меншік құқығы мәселесі бойынша жүгінді. Бұған дейін ол прокуратураға жүгінген. Бұл бөлме жеке меншік құқығымен басқа адамға тиесілі екені белгілі болды. Бұл туралы тұрғын үй инспекциясының прокуратураға жазған хатында көрсетілген. Жеке қабылдауда өтініш берушіге барлық сұрақтар бойынша тағы бір рет толық жазбаша жауап беру туралы тапсырма берілді.
Семей қалалық ішкі саясат бөлімі
