«Nur Otan»
Мәжілісімендер ШҚО — да сайлауалды бағдарламасының орындалуын талқылады.
ҚР Парламенті Мәжілісінің депутаттары «Nur Otan» партиясы Фракциясының мүшелері — З.А.Камасова, И.И.Панченко, А.М.Рахимжанов Шығыс Қазақстан облыстық және Өскемен қалалық мәслихаттары депутаттарымен кездесті.
Жиында Шығыс Қазақстан облысы бойынша «Nur Otan» партиясының сайлауалды бағдарламасының іске асырлуы талқыланды.
«Nur Otan» партиясының облыстық, 4 қалалық және 15 аудандық сайлауалды бағдарламаларының жүйелі мониторингі ұйымдастырылды. Жалпы 2021 жылғы өңірлік сайлауалды бағдарламалардың орындалуына жүргізілген талдау бойынша 2021 жылға жоспарланған 1055 іс — шараның 1016 — сы (96 пайызы) орындалып, 79 іс-шара яғни 7 пайыз орындалу сатысында екен.
Орындалған іс — шараларға тоқтала кетсек, Семей қаласында Ядролық медицина орталығы, Риддер қаласында қатты тұрмыстық қалдықтарды сұрыптау және қайта өңдеу цехы, Шемонаиха ауданында Рулиха ауылында сүт — тауар фермасы, мультикультураларды қайта өңдеу кәсіпорны пайдалануға берілді. Өскемен қаласында
2 балабақша, Жарма ауданының Әуезов кентінде Мәдениет үйі, Көкпекті ауданының Самар ауылында, Алтай ауданының Серебрянск қаласында 2 дене шынықтыру — сауықтыру кешені ашылды.
— Күні кеше Ұлан ауданы Қасым Қайсенов кентінің тұрғындарымен жүздестім. Кездесу барысында тұрғындар аудан орталығында ауруханаға қатысты мәселе бар екендігін жеткізді. Тұрғын үйде орналасқан аурухана азаматтар үшін қолайсыздық тудыруда. Бұл нысан партияның сайлауалды бағдарламасын жүзеге асыруға арналған Жол картасында 2022 жылы қолға алынатындығы көрсетілген. Алдағы уақытта осы нысан бойынша жұмыстың сапалы әрі уақтылы жүзеге асырылуын өз бақылауымда ұстайтын боламын, — деді мәжілісмен Әмірхан Мұратбекұлы.
Жиынға қатысқан Шығыс Қазақстан облыстық және Өскемен қалалық мәслихаттарының депутаттары өзгеде өңірдегі өзекті мәселелерді көтерді. Кейбір мәселелер бойынша мәжілісмендік әріптестерінің араласуын өтінді.
Депутаттардың айтуынша, сайлауалды бағдарламаның кейбір бағыттары бойынша жүзеге асырылмаған шаралар бар. Мысалы, өткен жылы Шығыс Қазақстан облысы бойынша «Nur Otan» партиясының «Өзгерістер жолы: Әр азамтқа лайықты өмір» сайлауалды бағдарламасын іске асыруға арналған Жол картасының «Экономикалық өсу» бағыты бойынша экспортқа бағдарланған дақылдар (соя, дәндік жүгері, рапс) егістерін ұлғайту және Өскемен мен Семей қалаларында санитариялық полигондар мен қоқыс өңдеу кешендерін салу туралы екі тармақ орындалмаған, тұрғын үй — коммуналдық шаруашылық желілері бағыты бойынша 10 қала мен 7 ауданда су бұру желілерін жаңғыртуға қатысты бір тармақ жүзеге асырылмаған.
-Партияның сайлауалды бағдарламаларында көрсетілген нақты тапсырмалардың уақтылы әрі сапалы жүзеге асырылуын біз депутаттар бақылауда ұстауымыз қажет. Себебі сайлаушылар алдында уәде бердік. Әрбір тапсырма қағаз жүзінде емес іс жүзінде атқарлуы қажет, — деді Зарина Айдарханқызы.
«СТ» — ақпарат