Облыс әкімі Даниал Ахметов құрылыс ұйымдары басшыларымен кеңес өткізіп, ауылдық елді мекендерде мектептер салу мәселесін талқылады.
Аймақ басшысы аталмыш жобаларда өзін көрсете білген, офф-тейк келісімшарттар бойынша жұмыс тәжірибесі бар компанияларды ғана таңдағанын айтып өтті. Білім беру саласындағы ахуал мұқият талданып, бірінші кезектегі ауылдар іріктеліп алынған. Себебі әдетте, құрылыс жобалаушылардың кінәсінен кешіктіріліп жатады.
Ауылдық елді мекендерде мектептер салу мәселесі қаралған маңызды кеңес барысында құрылыс компаниялары өз кезегінде алдағы уақыттарда орын алуы мүмкін ықтимал тәуекелдерді атап өтті. Құрылыс компанияларының өкілдері жоспарларымен таныстырып, кең көлемде мағлұматтар берді. Олар алдағы уақытта, яғни 15 сәуірде облыс әкіміне жұмыстың алғашқы нәтижелерін беретін болады.
— Биылғы жылы жаңа заманауи мектептер бірқатар елді мекендерде атап айтсақ, Ұрынхай (бұрын құны жоғары жоба болған), Жыланды, Қапай батыр және Жолнұсқауда пайда болады. Одан кейінгі кезекте Кентарлау, Шеңгелді және Малақ ауылдарында салынады, — деді өз сөзінде облыс әкімі Даниал Кенжетайұлы.
Сондай-ақ облыс басшысы құрылысшылармен мемлекеттік – жекеменшік әріптестік шеңберінде балабақшалар жобаларына қатысу, «Бір қабатты Шығыс» бағдарламасы аясында көп балалы және аз қамтылған отбасылар үшін үйлер салу мүмкіндігін талқылады.
Айт кетелік, мектептер салу мен күрделі жөндеуден өткізу бүгінгі таңда Шығыс Қазақстан облысындағы өзекті мәселелердің қатарында тұр.
Өз тілшіміз
