Қазақстанда 2022 жылдың наурыз айында жеке сәйкестендіру нөмірін алған ресейліктердің саны 2021 жылдың наурызымен салыстырғанда 14 есе өсті, деп хабарлайды SemeyTany.kz тілшісі Tengrinews.kz ке сілтеме беріп
Редакцияның ресми сауалына жауап ретінде ішкі істер министрлігі өткен жылы Ресейдің 14 717 азаматы ЖСН алғанын хабарлады. Бұл ретте 2022 жылдың алғашқы үш айында ғана ЖСН 12 840 ресейлікке берілді.
Қазақстанда тіркелген ресейліктердің саны 2022 жылдың наурыз айында өсті. Бір ай ішінде 10 995 Ресей азаматы ЖСН алды. Салыстыру үшін: 2021 жылдың наурыз айында барлығы 783 адам болды — өсім 14 еседен астам.
Украина азаматтарына келетін болсақ, Ішкі істер министрлігінің мәліметінше, бұл жерде өсу шамалы болды. 2021 жылы Қазақстанда барлығы 1087 украиндық ЖСН алды. Айына 70-тен 128 адамға дейін тіркелді. Биыл бұл көрсеткіш аздап өсті. Қаңтарда 42 украиндық ЖСН алды, ақпанда — 80, ал наурызда — 198 адам.
Қазақстандықтар жеке сәйкестендіру нөмірлерін туылған кезде автоматты түрде алады. ЖСН Қазақстанда 2007 жылы енгізілгендіктен, бүгінде барлық азаматтардың жеке куәліктері мен туу туралы куәліктерінде нөмірі бар.
Қазақстанда шетелдіктерге ЖСН қажет:
- егер банкте шот ашу қажет болса;
- егер шетелдік азамат Қазақстанда орналасқан көздерден табыс алатын болса;
- салық салынатын мүлікті сатып алу кезінде, мысалы, автомобиль;
- Қазақстан резиденті — заңды тұлғаның басшысы немесе резидент емес — заңды тұлға филиалының басшысы болып тағайындалған кезде.
- Шетелдік азаматтарға ЖСН алу үшін Қазақстанда болу міндетті емес. Мұны сенімхат бойынша жасауға болады.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
