Ұлттық қауіпсіздік комитетінің экс-төрағасы, мемлекетке сатқындық жасады деген айыппен қазір қамауда отырған Кәрім Мәсімовтің денсаулығы нашарлаған. Бұл туралы SemeyTany.kz karimmassimov.com сайтына сілтеме жасап хабарлайды.
Дереккөзге сүйенсек, Кәрім Мәсімовтің өте көп созылмалы ауруларға шалдыққан. Мәселен оған 2021 жылдың көктемінде жүректің созылмалы ишемиялық ауруы диагнозы қойылған.
«Сондықтан, гуманитарлық тұрғыда оның денсаулығына байланысты Кәрім Мәсімовті шұғыл түрде түрмеден босату керек», — деп жазған дереккөз.
Кәрім Мәсімовтің дәрігерлері жүрек ауруынан басқа, өзге де созылмалы аурулар оның өліміне әкеп соғуы мүмкін деп осы мәселеге қатысты жазбаша толық ақпарат ұсынуға дайын екендерін айтқан.
«Бүкіл құжатты мемлекеттік органдарға жібердік. Бұдан өзге, бұл мәселе халықаралық ұйымдар мен шет ел үкіметтерінің құлағына жетті», — деп жазады дереккөз.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
