Қаржылық мониторинг агенттігінің Қарағанды облысы бойынша департаменті қарттар үйі тұрғындарының зейнетақы төлемдері мен жәрдемақыларын ұрлау фактісі бойынша қылмыстық істі тергеп жатыр, деп хабарлайды Семей таңы ақпараттық порталы Azattyq Rýhy на сілтеме беріп.
Әлеуметтік нысанда 90 адам қамқорлыққа алынған, оның 30-ы – мүгедек, 60-ы – зейнеткер.
«Осы қылмысты жасады деген күдікпен ҚР Қылмыстық кодексінің 190-бабы 3-бөлігінің 3-тармағы бойынша Қарағанды облысындағы қарттар үйінің меңгерушісі және әлеуметтік қызметкері ұсталып, уақытша ұстау изоляторына қамалды», – делінген агенттік хабарламасында.
Қарағанды облыстық соты қарттар үйінің басшысына қатысты 2 ай мерзімге қамауға алу түріндегі бұлтартпау шарасын санкциялады.
Тергеу жалғасып жатыр, тергеу мүддесіне қатысты басқа мәліметтер жария етілмейді.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
