Абай облысының полицейлері құлдықта жүрген мүгедек адамды құтқарды
Облыс полицейлері жедел-профилактикалық іс-шараларды жүргізу барысында адам еңбегін қанау фактісін анықтады.
Өзіне бекітілген аумақты тексеру барысында, тұрғындарымен үнемі байланыста жүретін Жарма ауданы Шар қаласы ПБ полиция қызметкеріне аумағындағы шаруа қожалықтарының бірінің басшысы қоңырау шалып, жаңа жұмысшы жалдағанын хабарлаған.
Шаруа қожалығына келген полиция қызметкері жұмысқа жаңадан кіріскен жалдамалының құжаттарының жоқтығын анықтаған, сондай-ақ полицейге өзінің сауалнамалық деректерін де айта алмаған.
Бір шикіліктің барын сезген тәртіп сақшысының бойын күдік ұялаған соң, иесінің жәбірленушінің қасынан кеткен кезде, оның тегін біліп алған.
Одан әрі полиция қызметкері жәбірленушінің апайын анықтап, оның бауырымен 2010 жылдан бері байланыс үзгенін естігенде, күдігінің расталғанын білген.
Ер адам Жарма ауданындағы шаруа қожалықтарының бірінен табылды.
Тергеу барысында 2010 жылдың қараша айынан бастап 26 жастағы ер адамның 11 шаруа қожалығында құлдықта болғаны анықталды. Бұған дейін бірнеше рет сотталған 54 жастағы семейлік, 26 жастағы Тарбағатай ауданының тұрғынымен Тұғыл ауылына балық аулауға барғанда танысқаны мәлім болды. Физикалық тұрғыдан жетілген жас жігіттің психикалық ауытқуын байқаған қаскөй, оны шаруашылықта жұмыс күші ретінде пайдалану туралы ойға келген.
Бұдан әрі бәрі «құлдықтағы 12 жыл» фильміндегідей өрбіген. Жәбірленушіні 12 жылдан астам уақыт бойы Семей қаласы, Абай, Ұлан және Жарма аудандарындағы шаруа қожалықтарында жұмыс істеу үшін сатып, шаруа қожалық иелеріне өзін оның туысымын деп таныстырған 54 жастағы азамат, алдын ала жалақысын алып қалтасына басып отырған. Жәбірленушінің жылдар бойы еңбегіне берілген ақы 2 млн.теңгені құраған.
Сонымен қатар, қаскөй мүгедектің ай сайынғы зейнетақы жинақтары мен әлеуметтік төлемдерін жымқырып отырған. Залалдың жалпы сомасы 4 млн. теңгеден асады.
— Қазіргі уақытта жәбірленуші туыстарына табысталды, ал күдікті Жарма ауданының аудандық сотымен 128-б. 2-б. 2), 8), 11), 12) «Адам саудасы» және Қазақстан Республикасы Қылмыстық Кодексінің 190 — бабы 1-тармағының 3-бөлігі – «Алаяқтық» бойынша кінәлі деп танылды.
Сот үкімімен қауіпсіздігі орташада колонияда 4 жыл 6 айға бас бостандығынан айыру жазасы тағайындалды,- деді Абай облысы ПД бастығының орынбасары Нариман Күлдіков.
https://youtu.be/7S33Cyk3X4Y
