АЙМАҚ БАСШЫСЫ КАТОНҚАРАҒАЙДА
Облыс басшысы Даниал Ахметов жұмыс сапарымен Катонқарағай ауданына барып қайтты.
Даниал Кенжетайұлы алдымен аудан орталығы Үлкен Нарындағы мектеп пен ауруханаға ат басын тіреді. Аурухана күрделі жөндеуден өткізіліп, ең заманауи медициналық жабдықтар орнатылған. Қазір перзентхана бөлімшесін екінші деңгейге ауыстыруға дайындық жүріп жатыр. Перзентхана бөлімшесі екінші деңгейге ауыстырылған кезде жақын маңдағы ауылдарда босанған әйелдерге Алтайға немесе облыс орталығына барудың қажеті болмайды.
Сонымен қатар су құбыры желілерін салу, жолдар мен аулаларды жөндеу бойынша үлкен жұмыстар жүргізілуде. Өткен жылы 30 пәтерлі үй және «Бір қабатты Шығыс»бағдарламасы бойынша 20 үй пайдалануға берілді.
— «Ауыл — Ел бесігі»бағдарламасы бойынша үлкен жұмыс жүргізілуде. Биыл Берелде археологиялық зерттеулер жалғасады. Жалпы, аудан туризмді дамыту саласында үлкен әлеуетке ие, мен өзім бірнеше қонақ үйлерде болдым, осы бағытты дамытуды әлі де жалғастырамыз,- деді облыс басшысы Даниал Ахметұлы.
Әлібек КЕМЕЛХАН,
«Семей таңы»
