ІШКІ ТУРИЗМДІ ДАМЫТУҒА МҮМКІНДІК МОЛ

Абай ауданының
әкімі Нұржан
Абдыкаримов
облыстық
мәслихаттың кезектен тыс, екінші сессиясында ауданның туристік әлеуеті туралы
баяндама жасады.
— Біздің аудан өзінің
терең тарихымен көпке танымал және бұл өңірдің дамуына үлкен мүмкіндік береді. Ауданда ішкі туризмді
дамытуға жол қойылған.
Өйткені бұл — экономиканың
басым салаларының бірі.
Абай ауданы мәденитанымдық, экологиялық, балалар мен жасөспірімдер,
аграрлық және тағы басқа да
туризм салаларын қамтиды.
Осы индустрияны дамыту
үшін барлық мүмкіндік бар.
Бүгінде Семей қаласындағы
ішкі туризммен айналысатын
төрт туристік оператормен
(«Альма тур», «Тогас тур»,
«Рахмет тур», «Шолпан»)
байланыс орнатылып, өзара
ынтымақтастық туралы меморандум жасалған. «Өз
еліңді танып біл», «Әдеби
шығыс» туристік жобалары маршруттарына
Абайдың Жидебай — Бөрілі
тарихи-мәдени және әдебимемориалдық мұражай
қорының Абай ауданындағы
бөлімі енгізілді. Сонымен
қатар Өскемен қаласындағы
«Нұрлы саяхат», «Кругозор»
сынды туристік мекемелер
мен Абай мұражайы арасында келісімшарт жасалды.
Туроператорлармен жүргізілетін негізгі жұмыстардың
бірі – «Ұлылар мекені» туристік бағытын дамыту.
Ауданға келген қонақтар
ат басын тірейтін бірденбір танымал туристік орындар – М.Әуезов дүниеге
келген Бөрілі мекені мен
А.Құнанбайұлының кіндік
қаны тамған, тарихи маңызы
зор мекен Сырт Қасқабұлақ
және қасиет, құт дарыған
Ақшоқы, — дейді аудан әкімі
Нұржан Оразбекұлы.
Аудан басшысының айтуынша, ішкі туризмді
дамытуға бағытталған
шаралардың бірқатары өз
нәтижесін беруде. Ұлылар
еліне келушілер саны
жылдан-жылға артып келеді.
Бұған бірден-бір себеп – ұлы
ақын Абай Құнанбаевтың
175 жылдық мерейтойы
қарсаңында ұзақ уақыт ескерусіз, елеусіз қалған тарихимәдени орындардың қайта
жандануы. Мәселен, ауданда елімізде тұңғыш
рет Құнанбайдың өмірі
мен қайраткерлік қызметін
дәріптейтін мұражай салынды. Заман талабына сай
жабдықталған мұражайда
қазақ халқының Құнанбай
дәуіріндегі құндылықтары
мен ұрпақтар сабақтастығы
жаңғыртылып, қажының
еліне сіңірген еңбегі
дәріптелуде. Мұражайдың
экспозициялық залында
ұлылар мекенінің тарихынан,
өнер-мәдениеті, тұрмыссалтынан көрініс беретін
құнды жәдігерлер, бағалы
бұйымдар, тұрмыстық заттар
қойылған.
Сондай-ақ жергілікті
демеушілердің арқасында тарихи орындардың бірқатары
жаңа келбетке енуде. Семей
— Қарауыл тас жолынан 4
шақырым жерде орналасқан
Еңлік пен Кебек жасырынған
үңгір аумағы демеушілер
есебінен қоршалыпты. «Абай
жолында» айтылатын Орда
тауынан асқанда орналасқан
Әйгерім бұлағының басына
арнайы белгі орнатылған.
— Қарауыл ауылынан
оңтүстік-батысқа қарай 15
шақырым жерде Айпара
ана кесенесі, Жидебайдан
8 шақырым жерде Кеңгірбай
би кесенесі орналасқан.
Ауданның ең көлемді туристік орындарының
қатарына Қоңыр әулие
үңгірін жатқызса болады.
Ел мақтанышына айналған
бұл орындар – келушілерге жақсы демалыс сыйлайтын, ұлылар өмірге келген
жердің қасиетін, өр рухын
сездіретін басты нысандар,-
деді Нұржан Оразбекұлы.
Дана ТАЛҒАТБЕК,
«Семей таңы»