«АЙБЫН» ОРДЕНІ ТАБЫСТАЛДЫ
Абай облысының әкімі Нұрлан Ұранхаев және аймағымыз- ға арнайы келген ҚР Төтенше жағдайлар вице-министрі Марат Күлдіков дала өртін сөндіру кезінде күйік шалып, қаза тапқан өрт сөндіруші Айдос Тоғызбаевтың отбасына ҚР Президентінің атынан ІІІ дәрежелі «Айбын» орденін табыстады.
Шара барысында сонымен қатар Айдос Тоғызбаевтың жанұясына Қарағайлы ауда- нынан үш бөлмелі пәтердің сертификаты бе- рілді. — Айдос Тоғызбаевтың батылдығы мен батырлығы, қайсарлығы мен өз қызметі- не адалдығы баршамызға үлгі-өнеге болып қала бермек. Антына адал Айдос бауыры- мыздың бойында дәл осындай қасиеттердің болғанына осы ерлігі — дәлел. Мен Абай облысы тұрғындарының және жеке өзімнің атымнан марқұмның жұбайына, туған-туыстарына тағы бір мәрте қайғырып көңіл айта- мын, — деді өз сөзінде Нұрлан Тельманұлы. Сондай-ақ дәл осы күні Бесқарағай ауданында отбасымен бірге орман өртінің алдын алған Бесқарағай ауылының тұрғындары Жанболат пен Анаргүл Рүстемовтердің от- басына да алғыс хат пен тұрмыстық техника табысталды. Айта кетейік, өткен аптада Жанболат Рүстемов отбасымен бірге жеке меншік кө- лігімен келе жатып орманнан шыққан түтінді байқайды. Жанболат бірден тиісті орындар- ға телефон шалады, ал өздері өрттің ал- дын алу мақсатында отты сөндіре бастайды. Канонер филиалының орман өртін сөндіру стансасы мамандары келіп жеткенге дейін Рүстемовтер отбасы өртті сөндіріп үлгерген болатын. Орман шетіндегі өртті көріп, қасынан бей- жай өтіп кетпей, ағаштардың қызыл жалынға оранып, бүкіл алқаптың өртенуіне жол бермеген Рүстемовтер отбасының әрекеті — көп- ке үлгі. Абай облысының әкімі Нұрлан Ұранхаев, өз кезегінде, осындай ерлік көрсеткен азаматтарға алғыс білдірді. Сондай-ақ Бақыршық әскери-құтқару бө- лімшесінің маманы Қуат Байғазиновке облыс әкімінің алғыс хаты жолданды. Жарма ауданында болған дала өрті кезінде Қуат Байғазинов өрт сөндіруші Айдос Тоқызбаевқа жедел жәрдем мамандары келгенге дейін ал- ғашқы дәрігерлік көмек көрсеткен.
«СТ» — ақпарат
