Semeytany.kz – Көкпекті ауданында әлеуметтік осал санаттағы тұрғындарды баспанамен қамтамасыз ету мақсатында 58 тұрғын үйдің құрылысы басталды. Жоба 2025 жылы кезекте тұрған азаматтарды үймен қамту аясында жүзеге асырылуда.
Құрылыс жұмыстары атқарушы органдар мен мердігер ұйымдар арасында жасалған меморандум негізінде жүргізілуде. Әр тұрғын үйдің аумағы – 85 шаршы метр. Қазіргі таңда Көкпекті ауылында 25 екі пәтерлі үй, ал Үлгілімалшы және Преображенка ауылдарында әрқайсысы 2 екі пәтерлі үй салынып жатыр.
Жоспар бойынша барлық құрылыс биылғы қараша айына дейін аяқталып, тұрғындарға пайдалануға беріледі.
