Semeytany.kz – Қазақстан Республикасының Сайлау туралы заңы аясында 2025 жылдың 27 шілдесінде өткен тікелей сайлау нәтижесі бойынша Нұржан Оразбекұлы Әбдікәрімов Жаңасемей ауданының әкімі болып сайланды.
1 тамызда облыс әкімі Берік Уәли жаңадан сайланған әкімді аудан активіне ресми түрде таныстырды. Аймақ басшысы Нұржан Әбдікәрімовтің мемлекеттік қызметтің барлық сатыларынан өткен тәжірибелі басшы екенін атап өтті.
Нұржан Оразбекұлы еңбек жолын мұғалімдіктен бастаған. Мектеп директоры, ауылдық округ әкімі, ШҚО Ұлан ауданы әкімінің орынбасары, Абай ауданының әкімі, облыстық «Аманат» партиясының атқарушы хатшысы сынды қызметтерді атқарған.
– Аудан халқы өзінің демократиялық таңдауын жасап, саяси мәдениеттің озық үлгісін көрсетті. Енді ауданның экономикалық және әлеуметтік дамуы жаңа әкімнің кәсіби біліктілігімен тікелей байланысты болады, – деді облыс әкімі Берік Уәли.
