Semeytany.kz – Бүгін облыс әкімі Берік Уәли Семейдегі бірқатар нысандарды аралап, «Ескі көпір» жолының толық асфальтталатынын хабарлады. Аймақ басшысы жөндеу жұмыстарын осы аптаның соңында бастап, бір апта ішінде аяқтауды тапсырды.
Жоспар бойынша кіреберіс жолдарын қоса алғанда ұзындығы шамамен 1 шақырым учаскеге қалыңдығы 6 сантиметр жаңа асфальт төселеді. Бұл жұмыстар аяқталған соң, қаламыздағы екі көпір де толық жаңармақ.
Бұған дейін Семейдегі аспалы көпір мен айналма жолдың асфальт жабындысы толық ауыстырылған еді. Ескі көпірдің жөнделуі облыс орталығындағы көлік қозғалысының қауіпсіздігі мен қолайлылығын арттыруға мүмкіндік береді.
